عدالت نے اسد کھرل کی ضمانت منظور کر لی ،جیل سے رہائی مل گئی

عدالت نے اسد کھرل کی ضمانت منظور کر لی ،جیل سے رہائی مل گئی
 عدالت نے اسد کھرل کی ضمانت منظور کر لی ،جیل سے رہائی مل گئی

  

سکھر(مانیٹرنگ ڈیسک) سکھر پولیس کے ہاتھوں گرفتار ہونے والے اسد کھرل کو دونوں مقدمات میں ضمانت منظور ہونے کے بعد جیل سے رہا کر دیا گیا ہے۔سابق وزیر داخلہ سندھ سہیل انور سیال کے بھائی کے مبینہ فرنٹ مین اسد کھرل کو سکھر پولیس نے 22 جولائی کو فراش موڑ سے گرفتار کر کے کار سرکار میں مداخلت اور ٹی ٹی پستول رکھنے کے مقدمات درج کرنے کے بعد عدالت میں پیش کیا تھا۔ عدالت نے اسد کھرل کو جوڈیشل ریمانڈ پر جیل بھیج دیا تھا۔چند روز قبل پولیس نے دونوں مقدمات کا حتمی چالان عدالت میں پیش کیا۔ آج عدالت نے دونوں مقدمات میں پچاس پچاس ہزار کی ضمانت منظور کرتے ہوئے ملزم کو آزاد کرنے کے احکامات جاری کئے ہیں جس کے بعد اسد کھرل کو سینٹرل جیل سے آزاد کر دیا گیا ہے۔ ذرائع کے مطابق اسد کھرل رہائی کے بعد کراچی روانہ ہو گیا ہے۔

مزید : سکھر