زرداری کی باری بھی آگئی، کرپشن کیس کی روزانہ سماعت کا حکم دیدیا گیا

زرداری کی باری بھی آگئی، کرپشن کیس کی روزانہ سماعت کا حکم دیدیا گیا
زرداری کی باری بھی آگئی، کرپشن کیس کی روزانہ سماعت کا حکم دیدیا گیا

  

اسلام آباد(ڈیلی پاکستان آن لائن) سابق وزیراعظم نوازشریف کیخلاف مقدمات ہیڈلائنز میں جگہ بنارہے ہیں لیکن اب سابق صدر زرداری کیخلاف زیرالتواءآخری کرپشن کیس کی بھی روزانہ سماعت کا فیصلہ سنا دیاگیا۔

انگریزی جریدے ڈان کے مطابق راولپنڈی کی احتساب عدالت سابق صدر کے خلاف روزانہ کی بنیاد پر مبینہ طور پر پاکستان اور بیرون ملک غیر قانونی اثاثے رکھنے کے حوالے سے ریفرنس کی سماعت کرے گی۔یہ ریفرنس2001ءمیں پیپلز پارٹی کے شریک چیئرمین اور ان کی مرحوم اہلیہ بے نظیر بھٹو پر غیر قانونی ذرائع سے جائیداد بنانے کے الزام پر دائر کیا گیا تھاجو بعد ازاں اس وقت کے صدر جنرل (ر) پرویز مشرف کی جانب سے جاری کردہ قومی مفاہمتی آرڈیننس (این آر او) کے تحت 2007 میں بند کردیا گیا۔

دسمبر 2009 میں سپریم کورٹ نے این آر او کو کالعدم قرار دے دیا اور اس آرڈیننس کے تحت بند کیے جانے والے تمام کیسز کو دوبارہ کھولنے کا حکم دیا۔آصف علی زرداری اس وقت صدر پاکستان کے عہدے پر فائز تھے جس کی وجہ سے انہیں آئین کے آرٹیکل 248 کے تحت استثنیٰ حاصل تھا۔

نوجوان نسل اورفیشن، اگرآپ بھی اپنی شخصیت میں بہتری لانا چاہتے ہیں تو یہ خبرآپ کیلئے ہے

رپورٹ کے مطابق نیب نے پی پی پی کے شریک چیئرمین آصف زرداری کے خلاف ریفرنس کو اپریل 2015 میں دوبارہ کھولنے کا فیصلہ کیا جس کے بعد سے اس ریفرنس پر کارروائی سست روی کا شکار تھی تاہم وکیل دفاع اور وکیل استغاثہ دونوں ہی اس کیس کی پوری قوت کے ساتھ مزید پیروی کرنے کے خواہش مند نہیں ہیں۔اس کیس میں رواں سال اب تک کوئی پیش رفت دیکھنے میں نہیں آئی کیونکہ آصف علی زرداری کے وکیل اپنی بیماری کی وجہ سے کیس کی پیروی کرنے سے قاصر تھے۔

رواں سال کے آغاز میں یہ بات سامنے آئی کی کرپشن ریفرنس کا ایک اہم گواہ پر اسرار طور پر غائب ہوگیا تھا، بعد ازاں بیرسٹر جواد مرزا نامی گواہ کو راولپنڈی احتساب عدالت سے اشتہاری ملزم قرار دے دیا گیا تھا۔نیب کے وکیل طاہر ایوب نے ڈان کو بتایا کہ یہ کیس اپنے اختتامی مراحل میں ہے اور عدالت نے اس کی روزانہ کی بنیاد پر پیروی کرنے کا فیصلہ کیا۔انہوں نے امید ظاہر کی کہ اس کیس کی کارروائی آئندہ چند دنوں میں مکمل ہو جائے گی اور جلد ہی عدالت اس کیس کا فیصلہ سنا دے گی۔

این اے 120کے انتخاب سے قبل ہی کلثوم نواز لندن روانہ ،واپس کب آئیں گی ?سب سے حیران کن خبر آگئی

واضح رہے کہ سابق صدر آصف علی زرداری کے خلاف کرپشن کے 6 مقدمات دائر تھے تاہم اپنے عہدے کی مدت پوری کرنے کے بعد احتساب عدالت میں ان کیسز کے حوالے سے کارروائی ہوئی جس میں سے 5 کیسز میں انہیں بری کردیا گیا تھا۔

مزید : قومی