میاں صاحب کے خلاف فیصلہ ووٹ کے تقدس کی پامالی نہیں، نواز شریف عدلیہ کے ساتھ محاذ آرائی کر رہے ہیں: خورشید شاہ

میاں صاحب کے خلاف فیصلہ ووٹ کے تقدس کی پامالی نہیں، نواز شریف عدلیہ کے ساتھ ...
میاں صاحب کے خلاف فیصلہ ووٹ کے تقدس کی پامالی نہیں، نواز شریف عدلیہ کے ساتھ محاذ آرائی کر رہے ہیں: خورشید شاہ

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

سکھر (ڈیلی پاکستان آن لائن)قائد حزب اختلاف خورشید شاہ نے کہا ہے کہ میاں صاحب کے خلاف سپریم کورٹ کا فیصلہ ووٹ کے تقدس کی پامالی نہیں ہے انہوں نے کئی بار کہا ہے کہ وہ عدلیہ کے فیصلے کو قبول کریں گے۔پیپلز پارٹی نے کبھی عدلیہ پر حملہ نہیں کیا جبکہ اس وقت نوازشریف کی عدلیہ کے ساتھ جنگ چل رہی ہے۔

شریف خاندان کی سیاست اختتام پذیر ، پیپلز پارٹی کی طرف سے مسلم لیگ(ن) کو سیاسی حمایت نہیں مل سکتی: آصف علی زرداری

سکھر میں میڈیا سے گفتگو کرتے ہوئے خورشید شاہ نے کہا کہ ملک میں کوئی سیاسی بحران نہیں بس ایک جماعت میں بحران ہے اور میاں صاحب اپنی عقلمندی کی وجہ سے آج یہ دن دیکھ رہے ہیں۔ نوازشریف کی جنگ اس وقت عدلیہ کے ساتھ چل رہی ہے جب کہ ہم 1977 سے عدلیہ کا سامنا کرتے آرہے ہیں اور پیپلزپارٹی نے کبھی عدلیہ پرحملہ نہیں کیا۔ چیئرمین نیب کا چناو بہت اہم ذمہ داری ہے اور اس تقرری کا عمل اکتوبر میں مکمل ہونا ہے جب کہ بطور اپوزیشن لیڈر بہتر اور غیر متنازع شخص کی تلاش میں ہوں۔ جب پارلیمنٹ کو خطرہ تھا تو پیپلزپارٹی سسٹم کو بچانے کے لیے آئی لیکن (ن) لیگ خود پارلیمنٹ کی بالادستی سے ہٹ گئی تھی۔ سپریم کورٹ نیب کے اوپر نگرانی کرے گی اور نیب کو اپنا فیصلہ بروقت دینا ہے۔

مزید : قومی