شاہین ایئر لائن کا مرکزی دفتر ٹیکس کی عدم ادائیگی پر سیل کر دیا گیا

شاہین ایئر لائن کا مرکزی دفتر ٹیکس کی عدم ادائیگی پر سیل کر دیا گیا
شاہین ایئر لائن کا مرکزی دفتر ٹیکس کی عدم ادائیگی پر سیل کر دیا گیا

  

کراچی(ڈیلی پاکستان آن لائن) ایف بی آر نے ٹیکس کی عدم ادائیگی پر شاہین ایئر لائن کا مرکزی دفتر سیل کر دیا۔

نجی ٹی وی چینل” جیو نیوز“ کے مطابق ایف بی آر کی جانب سے جاری بیان کے مطابق شاہین ایئر لائن کا دفتر 1 ارب 40 کروڑ روپے ٹیکس کی عدم ادائیگی پر سیل کیا گیا،اعلامیے کے مطابق ٹیکس کی ادائیگی تک شاہین ایئر لائن کا ہیڈکوارٹر بند رہے گا۔ایف بی آر حکام کا کہنا ہے کہ چند ہفتے قبل شاہین ایئر کا دفتر سیل کرنے کے باوجود ٹیکس ادائیگیوں کے شیڈول پر عمل نہیں ہوا،شاہین ایئر نے اب تک ادائیگیوں کا معاملہ حل کرنے کے لیے رابطہ نہیں کیا۔

واضح رہے کہ ایف بی آر کی جانب سے جون میں بھی شاہین ایئر لائن کا مرکزی دفتر بند کیا گیا تھا تاہم بعد ازاں مذاکرات کے بعد ایف بی آر نے شاہین ایئر لائن کے مرکزی دفتر کو کھول دیا تھا۔

مزید :

قومی -