حکومت نے چوروں کو ان کے اصل مقام تک پہنچا دیا، شہباز گل

  حکومت نے چوروں کو ان کے اصل مقام تک پہنچا دیا، شہباز گل

  

لاہور(آئی این پی) وزیراعلی پنجاب کے ترجمان شہبازگل نے کہا ہے کہ پاکستان تحریک انصاف کاایک سال ملک کودرست سمت میں لے جانے کی مثال ہے، ایماندار اور مخلص قیادت کی بدولت ملک میں سرمایہ کاری بڑھ رہی ہے، وزیراعظم جلدقوم کے سامنے کارکردگی رپورٹ رکھیں گے۔جمعہ کو وزیراعلی پنجاب کے ترجمان شہبازگل نے مسلم لیگ (ن)کی رہنما مریم اورنگزیب کے ٹوئٹ پر جواب دیتے ہوئے کہا کہ (ن) لیگ دورمیں بجلی کاگردشی قرضہ1200ارب سے زائد، گیس کاگردشی قرضہ150 ارب سیزائد تھا اور تجارتی خسارہ 2014 میں 20ارب ڈالر جبکہ 2018 تک 37ارب ڈالر ہوا، ن لیگ کی حکومت19 ارب ڈالر کا تجارتی خسارہ چھوڑکرگئی اور آخری بجٹ خسارہ ریکارڈ2.26ارب تھا۔شہبازگل کا کہنا تھا کہ کرپٹ لیگ کے دور کے تمام اعداد و شمار اشتہاری کے گورکھ دھندے ہیں، پروپیگنڈا کرنے والوں کی اپنی روٹیاں چوری کے مال سے چل رہی ہیں۔ترجمان وزیراعلی پنجاب نے ایک اور ٹوئٹ میں کہا تاریخ نے دیکھا کہ خود کو قانون سے بالاتر سمجھنے والے اربوں کی کرپشن پر جیل کی سلاخوں کے پیچھے ہیں تحریک انصاف کی حکومت نے قومی چوروں کو ان کے اصل مقام جیل میں پہنچایا ہے آج عدالتیں اور تمام قومی ادارے آزاد اور خودمختار ہیں۔ان کا مزید کہنا تھا امریکا، روس سے لے کر ملائیشیااور ترکی پاکستان کی قدر کررہے ہیں، ایمانداراورمخلص قیادت کی بدولت ملک میں سرمایہ کاری بڑھ رہی ہے، وزیراعظم جلدقوم کے سامنے کارکردگی رپورٹ رکھیں گے۔

شہباز گل

مزید :

صفحہ اول -