’ہم بہت جلد شہباز شریف کو جواب دیں گے، پاکستانی اپوزیشن لیڈر برطانوی عدالت نہیں جائے گا کیونکہ ۔۔۔ ‘ سابق وزیر اعلیٰ پر زلزلہ زدگان کی امداد ہڑپ کرنے کا الزام لگانے والا صحافی ایک بار پھر میدان میں آگیا
لندن (ڈیلی پاکستان آن لائن) اپوزیشن لیڈر شہباز شریف پر زلزلہ زدگان کی امداد ہڑپ کرنے کا الزام عائد کرنے والے صحافی ڈیوڈ روز کا کہنا ہے کہ وہ چھٹیوں پر تھے جس کے باعث شہباز شریف کے وکیل کو جواب نہیں دیا جاسکا۔
شہباز شریف کے خلاف خبر دینے والے برطانوی صحافی ڈیوڈ روز نے پاکستانی صحافیوں کو مخاطب کرکے کہا کہ ڈیلی میل نے اس وجہ سے شہباز شریف کے وکیل کوجواب نہیں دیا ہے کیونکہ میں چھٹیوں سے ابھی واپس آیا ہوں۔ ’ ہم بہت جلد جواب دیں گے اور میں یقین دلاتا ہوں کہ میرا آرٹیکل پلانٹڈ نہیں تھا اور نہ ہم اس بات کو تسلیم کرنے کو تیار ہیں۔‘
Hello Pakistani journalists: the reason the Mail has not yet replied to Shahbaz Sharif's lawyers is that I have only just returned from leave. We will shortly. And I assure you, my article was NOT fabricated, and we are not about to admit that it was. https://t.co/8MMkCkErCv
— David Rose (@DavidRoseUK) August 17, 2019
ڈیوڈ روز نے ایک اور ٹویٹ میں کہا کہ اگر شہباز شریف واقعی انہیں اور ڈیلی میل کے خلاف ہرجانے کا دعویٰ دائر کرتے تو انہیں ان کی بیوی اور بچوں کو عدالت میں یہ وضاحت پیش کرنی پڑتی کہ وہ ایسے لوگوں سے جن کے پاس کچھ بھی نہیں تھا ، کیسے نقد سرمایہ کاری کراتے رہے ہیں۔ ’ ہوسکتا ہے کہ وہ یہ وضاحت کردیں ، ہمیں انتظار کرنا چاہیے۔‘
If Shahbaz Sharif really wanted to sue me and the Mail, he would have to get his wife and children to explain to the court why they accepted huge foreign cash "investments" from people who were actually penniless hawkers, pappadom sellers, etc. Maybe they will. We shall see.
— David Rose (@DavidRoseUK) August 17, 2019
ڈیوڈ روز نے کہا کہ انہوں نے گزشتہ سال بھی شریف فیملی کے ایک اور شخص کی غیر ظاہر شدہ دولت کے بارے میں لکھا تھا۔ ’ کیا کوئی مجھے اس کا موجودہ پتہ بتاسکتا ہے، میرا نہیں خیال کہ یہ پارک لین یا مے فیئر میں ہے، کیا اس کی بیٹی کو کچھ مسائل کا سامنا تو نہیں ہے؟‘۔
I wrote an article last year on another member of the Sharif family and his unexplained wealth. Do please remind me of his current address. I don't think it's anywhere in Park Lane or Mayfair. And doesn't his daughter face some issues too? https://t.co/UWQkt9ChSd
— David Rose (@DavidRoseUK) August 17, 2019
خیال رہے کہ ڈیوڈ روز نے ڈیلی میل کیلئے دی گئی اپنی ایک سٹوری میں دعویٰ کیا تھا کہ شہباز شریف نے پاکستان کے زلزلہ زدگان کیلئے برطانیہ سے آنے والی امداد کی رقم ہڑپ کرلی تھی۔ یہ خبر سامنے آنے کے بعد شہباز شریف نے صحافی اور اخبار کے خلاف برطانیہ میں ہرجانے کا دعویٰ دائر کرنے کا اعلان کیا تھا لیکن بعد میں پتہ چلا تھا کہ شہباز شریف نے عدالت سے رجوع نہیں کیا بلکہ اخبار سے اس کی خبر پر وضاحت طلب کی ہے۔