شہباز گل پمز منتقل، معائنے کیلئے 5 رکنی میڈیکل بورڈ تشکیل

شہباز گل پمز منتقل، معائنے کیلئے 5 رکنی میڈیکل بورڈ تشکیل
شہباز گل پمز منتقل، معائنے کیلئے 5 رکنی میڈیکل بورڈ تشکیل
سورس: Twitter

  

اسلام آباد (ڈیلی پاکستان آن لائن) پاکستان تحریک انصاف کے رہنما ڈاکٹر شہباز گل کے طبی معائنے کیلئے پمز انتظامیہ نے پانچ رکنی میڈیکل بورڈ تشکیل دے دیا۔

نجی ٹی وی جیو نیوز کے مطابق ڈاکٹر شہباز گل کو اڈیالہ جیل سے پمز اسلام آباد کے آئی سی یو میں منتقل کیا  گیا ہے جہاں ان کے طبی معائنے کیلئے پانچ رکنی میڈیکل بورڈ تشکیل دے دیا گیا ہے جو کہ پروفیسرز پر مشتمل ہے۔میڈیکل بورڈ میں پروفیسر ڈاکٹر آف سرجری، پروفیسر ڈاکٹرآف میڈیسن، پروفیسر آف کارڈک، نیورو میڈیسن اور آرتھوپولک پروفیسرز شامل ہیں۔

تحریک انصاف کے چیئرمین عمران خان کے بھانجے حسان نیازی نے ڈاکٹر شہباز گل کی ہسپتال سے ایک تصویر شیئر کی ہے جس میں دیکھا جاسکتا ہے کہ وہ بے سدھ حالت میں بیڈ پر پڑے ہیں اور انہیں آکسیجن ماسک لگا ہوا ہے۔

حسان نیازی نے مطالبہ کیا کہ پنجاب حکومت کے لوگوں کو بھی پمز میں موجود ہونا چاہیے، اگر شہباز گل کو کچھ ہوجاتا ہے تو اس کے ذمہ دار رانا ثناء اللہ ہوں گے۔

مزید :

اہم خبریں -قومی -Breaking News -