بونیر ( ڈیلی پاکستان آن لائن )پاک فوج کی کور آف انجینئرز کی اربن سرچ اینڈ ریسکیو ٹیم (USAR) نے بونیر ، شانگلہ اور سوات کے مختلف علاقوں میں کام شروع کر دیا ۔
سیکیورٹی زرائع نے بتایا ہے کہ اربن سرچ اینڈ ریسکیو ٹیم مختلف آلات کی مدد سے ملبے کے نیچے دبے زخمیوں اور لاشوں کو ڈھونڈنے میں مدد دے گی اس کے علاوہ کور آف انجینئرز کے جوان ٹوٹے ہوئے پلوں اور بند ہوئے راستوں کو بھی کھولنے میں مصروف ہیں ۔بونیر ، شانگلہ اور سوات کے مختلف علاقوں میں پاک فوج اور فرنٹیئر کور نارتھ کا ریسکیو آپریشن جاری ہے ۔پاک فوج کے مزید دستوں نے کل رات کو مختلف مقامات پہ پہنچ کے کام سنبھال لیا ہے،موسم کی خرابی کے باوجود پاک فوج کے ہیلی کاپٹر ریسکیو مشن میں مصروف ہیں۔