پاکستان جن بنیادوں پر قائم ہوا تھا اب اسی طرف لوٹ رہا ، ملکی وسائل کو بے دردی سے لوٹنے والوں کا کڑا ترین احتساب شروع ہو چکا :علامہ خادم حسین رضوی
چکوال (ڈیلی پاکستان آن لائن) تحریک لبیک یار سول اللہ کے مرکزی امیر علامہ خادم حسین رضوی نے کہا ہے کہ ملک پاکستان جن بنیادوں پر قائم ہوا تھا اب اسی کی طرف لوٹ رہا ہے اور جن لوگوں نے ختم نبوت ﷺ پر ڈاکہ ڈالا اورملکی وسائل کو بڑی بے ددردی لوٹا، انکا اب کڑا ترین حساب شروع ہوچکا ہےاور وہ وقت دور نہیں جب یہ حکمران اپنے منطقی انجام کو پہنچیں گے۔
یہ بھی پڑھیں :نا اہلی کے بعد جہانگیر ترین فیملی کے ہمراہ لندن پہنچ گئے
چکوال میں حلقہ پی پی 20 کی انتخابی مہم کی افتتاحی تقریب سے خطاب کرتے ہوئے علامہ خادم حسین رضوی نے کہا کہ ناصر منہاس ایڈووکیٹ ایک شریف اور بھلے آدمی ہیں اور رسول اللہ ﷺ کے دین کو تخت پر لانے کی جدوجہد کرنے کے لئے حلقہ میں اترے ہیں، پی پی 20 کے عوام کو چاہئیے کہ انکا بھرپور ساتھ دیں۔انہوں نے کہا کہ ختم نبوت ﷺ پر ڈاکہ ڈالنے والوں ،کرپشن،دو قومی نظریہ اور اسلام کے مخالف قوانین بنانے والوں کے خلاف پرچی (ووٹ) تحریک لبیک کے انتخابی نشان’’ کرین‘‘ پر مہر لگا کر اس غلط طرز حکمرانی سے اپنے ایمان کو محفوظ کر کےنجات پائیں۔
