”پرویز مشرف کو پھانسی دینے کی عمران خان کی خواہش پوری ہو گئی “

”پرویز مشرف کو پھانسی دینے کی عمران خان کی خواہش پوری ہو گئی “
”پرویز مشرف کو پھانسی دینے کی عمران خان کی خواہش پوری ہو گئی “

  

لاہور (ڈیلی پاکستان آن لائن )خصوصی عدالت نے سابق صدر پرویز مشرف کو سنگین غداری کیس میں آئین کے آرٹیکل چھ کے تحت سزائے موت سنا دی ہے جس کا ٹویٹر پر ٹرینڈ بھی تیزی کے ساتھ دوسرے نمبر پر آ گیاہے اور ماضی میں دیئے گئے وزیراعظم عمران خان کے بیان کا ایک کلپ بھی وائر ل ہو گیا ہے جبکہ وہ اس وقت وہ جنیوا میں مہاجرین کے فورم میں شریک ہیں جہاں انہوں نے شرکاءسے خطاب بھی کیا ۔

تفصیلات کے مطابق سابق صدر پرویز مشرف نے تین نومبر 2007 کو ایمرجنسی نفاذ کیا جس پر انہیں خصوصی عدالت کی جانب سے چھ سال بعد کیس کا فیصلہ سناتے ہوئے سزائے موت دی گئی ہے ۔سوشل میڈیا پر ماضی کا ایک کلپ تیزی کے ساتھ وائر ل ہور ہی ہے جس میں عمران خان پرویز مشرف کی جانب سے ایمر جنسی کے نفاظ پر اپنے رد عمل کا اظہار کر رہے ہیں ۔

ویڈیو دیکھیں:

سوشل میڈیا پر وائرل ہو نے والا کلپ دراصل 2007 نومبر کا ہے جب مشرف نے ایمرجنسی لگائی اور عدالتوں کومعزول کر دیا جس پر معروف صحافی ڈاکٹر شاہد مسعود عمران خان کا رد عمل جاننے کیلئے ان سے ٹیلیفونک رابطہ کرتے ہیں ۔

ویڈیو کلپ میں ڈاکٹر شاہد مسعود عمران خان سے سوال کرتے ہیں کہ کیسے حالات ہیں اور آپ تک کیاخبریں پہنچ رہی ہیں جس پرانہوں نے جواب دیا کہ ” جنرل مشرف سنگین غداری کے مرتکب ہوئے ہیں ، پہلے انہوں نے ایمرجنسی لگائی تو سپریم کورٹ نے سٹرائیک ڈاﺅن کیا اور اس کے بعد مشرف نے فوج بھجوا کر سپریم کورٹ کے ججز کو باہر نکال دیا ، اس عمل پر ان پرسیدھا آرٹیکل چھ لاگو ہوتاہے جس کی سزا پھانسی ہے ۔“

عمران خان کے ماضی میں دیئے گئے اس بیان کا کلپ تیزی کے ساتھ وائر ل ہو رہا ہے اور صارفین اپنے اپنے خیالا ت کا بھی اظہار کر رہے ہیں ، ایک ٹویٹر صارف کا کہناتھا کہ ” بہت زیادہ دلچسپ ، ایک اور ٹیسٹ کیس ، ایک اور متوقع یو ٹرن ۔“

فیصل نامی صارف نے عمران خان کا یہ کلپ شیئر کیا اور لکھا کہ ’’ عمران خان آپ کو مبا رک ہو، خصوصی عدالت نے مشرف کو سزائے موت سنا دی ہے، آپ کا مطالبہ مان لیا گیا ہے ۔‘‘

مسعود خان نامی صارف کا کہناتھا کہ ” بدلتا ہے آسمان رنگ کیسے کیسے ۔“

رضا الرحمان نامی صارف کا کہناتھا کہ ” عمران خان نے کر دکھایا “۔

مزید :

قومی -