جائیدادیں ظاہر ہونے کا خوف ملتان کے بیشتر ایس ایچ اوز انکم ٹیکس گوشوارے جمع کرانے سے گریزاں
ملتان ( وقائع نگار ) جائیدادیں ظاہر ہونے کا خوف ‘ملتان کے بیشتر ایس ایچ او ز نے انکم ٹیکس گوشوارے جمع کرانے سے(بقیہ نمبر32صفحہ7پر )
گریزاں واضح رہے سی پی او ملتان کے احکامات کے باوجود بھی بیشتر ایس ایچ او ز نے انکم ٹیکس گوشوارے جمع نہ کروائے ہیں ۔ انکم ٹیکس گوشوارے جمع کروانے والوں میں سابقہ وموجودہ صرف 8ایس ایچ اوز ہیں جن میں انسپکٹر طاہر اعجاز ، قسور حسین کالرو ، چوہدری اکرم کمبوہ ، چوہدری محمد اشرف ، سب انسپکٹر علی حسن گیلاسنی ، شمون جوئیہ ، لیاقت علی اور طارق حسن بھی شامل ہیں جبکہ انکم ٹیکس گوشوارے جمع نہ کرانے والوں میں انسپکٹر قمر عباس ، ذوالفقار علی ، منظور احمد ، محمد ظفر ، انور خان ، عمر دراز ، طارق پرویز ، منصور خان ، افضل قریشی ، محمد اکرم ، رانا صابر ، آصف محمود ، فاطمہ مشتاق ، محمد جاوید ، محمد الیاس ، ضیاء اختر ، محمد افضل ، رائے اکرم ، آصف شہزاد ، ظفر اقبال ، ارشد محمود بھٹی ، محمد افضل شاہ کے نام شامل ہیں ۔