وزیراعلی سندھ نے موسم بہار کی آمد پر شجرکاری مہم کا آغازکردیا

وزیراعلی سندھ نے موسم بہار کی آمد پر شجرکاری مہم کا آغازکردیا

کراچی(اسٹاف رپورٹر)وزیراعلی سندھ سید مراد علی شاہ نے سرسبز سندھ کے عزم کا اظہار کرتے ہوئے جمعہ کو وزیراعلی ہاؤس میں پودا لگاکر موسم بہار شجرکاری مہم 2018کا آغاز کردیاہے،جس کے تحت صوبے بھر میں 5 لاکھ پودے لگائے جائیں گے۔ انہوں نے عوام پر زور دیا کہ وہ زیادہ سے زیادہ پودے لگاتے ہوئے موسم بہار کی شجرکاری مہم میں بھرپور حصہ لیں اور پودے لگارکر انکی حفاظت بھی کریں۔ انہوں نے کہا کہ حکومت جنگلات کو فروغ دینے اور صوبے میں جنگلات کا رقبہ بڑھانے میں گہری دلچپسی لے رہی ہے، صوبے میں شجرکاری مہم کے لیے جس کسی کو بھی پودے چاہیں وہ صوبائی محکمہ جنگلات سے مفت لے سکتے ہیں۔ وزیراعلی سندھ کو بتایا گیا کہ مہم کے دوران سندھ کو سرسبز بنانے کے لیے2 کروڑپودے لگائے جائیں گے۔ اس حوالے سے وزیراعلی سندھ نے کنزرویٹرفاریسٹ سندھ سرکل کو ہدایت کی کہ سرکل کے تمام ڈویژنل افسران کو ہدایات جاری کریں کہ وہ شجرکاری مہم کے اہداف حاصل کرنے کے لیے ہر ممکن اقدامات اٹھائیں ۔ شجرکاری مہم کے موقع پر سیکریٹری جنگلات آصف حیدر شاہ، چیف کنزرویٹر جنگلات و دیگر اعلی حکام بھی موجود تھے۔

مزید : راولپنڈی صفحہ آخر


loading...