شرجیل میمن کی چینی وفد کو سندھ میں الیکٹرک گاڑیوں کا پلانٹ قائم کرنے کی دعوت

کراچی(ڈیلی پاکستان آن لائن )سندھ کے وزیرِ ٹرانسپورٹ شرجیل میمن نے چینی وفد کو سندھ میں الیکٹرک گاڑیوں کا مینوفیکچرنگ پلانٹ قائم کرنے کی دعوت دی ہے۔ 
نجی ٹی وی جیونیوز کے مطابق شرجیل میمن نے چینی وفد کو سندھ میں الیکٹرک گاڑیوں کا مینوفیکچرنگ پلانٹ قائم کرنے کی دعوت دی ہے جس پر چینی وفد نے سرمایہ کاری میں دلچسپی کا اظہار کیا۔ 
چینی سرمایہ کاروں سے ملاقات میں سندھ کے سینئر وزیر نے کہا کہ صوبے میں بندرگاہیں، بڑھتا ہوا روڈ نیٹ ورک اور بڑے پیمانے پر افرادی قوت ہے۔
شرجیل میمن نے کہاکہ مستقبل الیکٹرک گاڑیوں کا ہے اور سندھ اس تبدیلی میں کردار ادا کرنے کو تیار ہے۔