الیکشن کمیشن نے عمران کیخلاف نااہلی کا ریفرنس عدم پیروی پر خارج کردیا
اسلام آباد(اے این این ) الیکشن کمیشن نے عمران خان کے خلاف نااہلی سے متعلق ریفرنس عدم پیروی پر خارج کردیا ۔پیرکو چیف الیکشن کمشنرجسٹس (ر)سردار رضا خان کی سربراہی میں الیکشن کمیشن میں عمران خان کی نااہلی سے متعلق درخواست کی سماعت ہوئی۔ سماعت کے موقع پر ہاشم علی بھٹہ پیش نہیں ہوسکے جس پر الیکشن کمیشن نے ریفرنس خارج کردیا۔ واضح رہے کہ درخواست گزار ہاشم علی بھٹہ کی جانب سے دائر ریفرنس میں موقف اختیار کیا گیا تھا کہ عمران خان نے الیکشن کمیشن میں جمع کرائے گئے سالانہ گوشواروں میں بنی گالہ کی زمین اور لندن فلیٹ سمیت آف شور کمپنی بھی ظاہر نہیں کی، عمران خان آرٹیکل 62 اور 63 پورا انہیں اترتے ہیں لہذا انہیں نااہل قرار دیا جائے۔ اس سے قبل بھی الیکشن کمیشن نے ہاشم علی بھٹہ کی نااہلی سے متعلق درخواست خارج کی تھی جو بعد میں نظر ثانی کی درخواست پر بحال کردی گئی تھی۔
الیکشن کمیشن
