پرویزمشرف کے عشرت العباد اور پی ایس پی سے رابطے

پرویزمشرف کے عشرت العباد اور پی ایس پی سے رابطے

  

کراچی(اسٹاف رپورٹر)سابق صدر جنرل(ر) پرویز مشرف نے مسلم لیگ کا اتحاد مکمل نہ ہونے پر مایوس ہو کر کراچی کی سیاسی جماعتوں سے مشاورت کا عمل تیز کردیا ہے۔ ذرائع کے مطابق آئندہ انتخابات میں جنرل(ر)پرویز مشرف ممکنہ طور پر کراچی سے الیکشن لڑیں گے۔ سابق گورنر سندھ ڈاکٹرعشرت العبادخان، ایم کیو ایم پاکستان اور پاک سرزمین پارٹی سے رابطے قائم ہیں جبکہ ذرائع نے یہ بھی بتایا کہ مسلم لیگ (ن)کے علاوہ قائم ہونے والے لیگی اتحاد کی بڑی رکاوٹ متحدہ مسلم لیگ کی سربراہی تھی جس پر سردار ذوالفقار کھوسہ اور چودھری برادران کے بھی تحفظات تھے۔ ذرائع نے بتایا کہ تاحال بعض لیگی رہنما اتحاد کی کوششوں میں مصروف ہیں گزشتہ سال مسلم لیگ (ن)سے ہٹ کر حکومت مخالف مسلم لیگیوں کو سیاسی جماعتوں کو ایک پلیٹ فارم پر جمع کرنے کی سرتوڑ کوششیں کی جاتی رہیں۔ تاہم جنرل(ر)پرویز مشرف متحدہ لیگ کی سربراہی چاہتے تھے۔

مزید :

کراچی صفحہ اول -