بھارت میں جن بھوتوں پر تحقیق کرنے والے نوجوان کی پراسرار موت

بھارت میں جن بھوتوں پر تحقیق کرنے والے نوجوان کی پراسرار موت

  

ممبئی(آن لائن) بھارت میں آسیب، جن اور بھوتوں پر تحقیق کرنے والے مشہور شخص اور پیرانارمل سوسائٹی آف انڈیا کی بنیاد رکھنے والا گورَو تیواری پراسرار طور پر مردہ پایا گیا ہے۔گورَو تیواری کا بھارت میں آسیب تلاش کرنے کا پروگرام بہت مشہور تھا اور اس حوالے سے وہ ایک خاص شہرت رکھتا تھا۔ پولیس کے مطابق تیواری اپنے بیڈروم کے غسل خانے میں مردہ پایا گیا اور اس کی موت آکسیجن کی کمی سے ہوئی ہے جب کہ اس کے گلے پر ایک موٹی سیاہ دھاری کا بھی نشان تھا جس کے باعث واقعہ کو قتل قرار دینا خارج از امکان نہیں۔

تیواری کے اہلِ خانہ کیمطابق اسکے باتھ روم سے زوردار آواز آئی جب دروازہ کھولا گیا تو وہ غسل خانے کے فرش پر اوندھا پڑا تھا، تیواری کو فوری طور پر اسپتال منتقل کیا گیا لیکن وہ دم توڑ چکا تھا۔تیواری کے والد کے مطابق اس نے ایک ماہ قبل اپنی والدہ سے کہا تھا کہ اسے کچھ منفی قوتیں اپنی جانب کھینچ رہی ہیں اور وہ اسے قابو کرنے کی ناکام کوششوں میں مصروف ہے۔گورَو تیوری نے پوری دنیا میں آسیبسے بھرپور 6 ہزار سے زائد پراسرار جگہوں کا دورہ کیا تھا اور وہ بین الاقوامی شہرت کے حامل تھا۔ 32 سالہ گورَو تیواری کے بارے میں پولیس نے یہ بھی کہا ہے کہ اس نے خود کشی کی ہے تاہم تیواری کے حوالے سے شادی کے باوجود خاتون سے تعلقات کی خبریں بھی زیرگردش تھیں۔

مزید :

عالمی منظر -