قندیل بلوچ کا معاملہ اللہ کے سپرد کرتاہوں، مفتی عبدالقوی

قندیل بلوچ کا معاملہ اللہ کے سپرد کرتاہوں، مفتی عبدالقوی

  

ملتان(آن لائن) مفتی عبدالقوی کا کہنا ہے کہ انہوں نے قندیل بلوچ کو معاف کردیا ہے اور اب ان کا معاملہ اللہ کے سپرد کرتے ہیں۔ میڈیا رپورٹس کے مطابق قندیل بلوچ کے قتل کے بعد مفتی عبدالقوی نے اپنے بیان میں کہا ہے کہ انہیں قندیل بلوچ کے قتل پر بہت افسوس ہے، ان کے دل میں قندیل کے لئے کوئی کدورت نہیں ، چند روز قبل قندیل بلوچ نے ان سے معافی مانگی تھی جس کے بعد انہوں نے ماڈل کو معاف کردیا ہے۔ اپنا معاملہ اللہ کے سپرد کردیا ہے۔ واضح رہے کہ رمضان المبارک کے دوران قندیل بلوچ نے مفتی عبادلقوی کے ہمراہ چند تصاویر اور وڈیوز سوشل میڈیا پر اپ لوڈ کی تھیں جس کے بعد مفتی عبدالقوی کو شدید تنقید کا نشانہ بنایا گیا تھا اور رویت یلال کمیٹی سے ان کی رکنیت بھی معطل کردی گئی تھی۔

مفتی عبدالقوی

مزید :

صفحہ آخر -