کراچی پولیس چیف غلام نبی میمن نے چارج سنبھال لیا

کراچی پولیس چیف غلام نبی میمن نے چارج سنبھال لیا

  

کراچی(کرائم رپورٹر)کراچی پولیس چیف تعینات کیے گئے ایڈیشنل آئی جی غلام نبی میمن نے عہدے کا چارج سنبھال لیا ہے۔سابق پولیس چیف ڈاکٹر امیر شیخ کو پورے اعزاز کے ساتھ کے پی او سے رخصت کردیا گیا۔تفصیلات کے مطابق کراچی کے نئے پولیس چیف غلام نبی میمن کی  منگل کوکراچی پولیس آفس میں آمد پر ڈی آئی جی ایڈمن عاصم قائم خانی و دیگر سینئر پولیس افسران نے انہیں خوش آمدید کہا اور پولیس کے چاق و چوبند دستے نے انہیں سلامی پیش کی۔ایڈیشنل آئی جی غلام نبی میمن نے ڈاکٹر امیر احمد شیخ کے چارج چھوڑ نے پر بطور ایڈیشنل آئی جی کراچی کا چارج سنبھال لیا اور دونوں افسران نے ایک سادہ مگر پروقار تقریب میں کمانڈ اسٹک کا تبادلہ کیا اور نیک خواہشات کا اظہار کیا۔بعد ازاں ڈاکٹر امیر احمد شیخ کو پولیس کے چاق وچوبند دستے نے سلامی پیش کی۔پولیس چیف غلام نبی میمن اور دیگر سینئر افسران نے انہیں پورے اعزاز کے ساتھ کراچی پولیس آفس سے رخصت کیا۔

مزید :

راولپنڈی صفحہ آخر -