رجسٹرڈ خیراتی ادارے اور دینی مدارس ہی کھالیں جمع کر سکتے ہیں: محکمہ داخلہ سندھ

    رجسٹرڈ خیراتی ادارے اور دینی مدارس ہی کھالیں جمع کر سکتے ہیں: محکمہ داخلہ ...

  

کراچی (آئی این پی)محکمہ داخلہ سندھ نے عیدالاضحی کے موقع پر قربانی کی کھالیں جمع کرنے کے حوالے سے حکم نامہ جاری کردیا ہے جس کے مطابق صرف رجسٹرڈ خیراتی ادارے اور دینی مدارس ہی کھالیں جمع کرسکتے ہیں۔تفصیلات کے مطابق محکمہ داخلہ سندھ کی جانب سے جاری کیے جانے والے نوٹیفکیشن میں کہا گیا ہے کہ کمشنراور ڈپٹی کمشنرز کی اجازت کے بغیر قربانی کی کھالیں جمع کرنے پر پابندی ہوگی۔سال 2019کے اجازت نامے کیحامل افراد اور ادارے بھی کھالیں جمع کرسکتے ہیں، محکمہ داخلہ سندھ کے مطابق صرف رجسٹرڈ خیراتی ادارے اور مدارس ہی قربانی کی کھالیں جمع کرسکتے ہیں۔اجازت نامے کے حامل افراد ڈپٹی کمشنر آفس کو کھالیں اکٹھا کرنے کا پلان جمع کرائیں، کھالیں جمع کرنے کیلئے کیمپ، بینرز لگانے پرپابندی ہوگی، کھالیں جمع کرنے کیلئے لاؤڈ اسپیکر کے استعمال پر پابندی ہوگی۔گاڑیوں پر بھی کھالیں جمع کرنے پر پابندی ہوگی جبکہ زبردستی اور اسلحہ کے زور پر کھالیں جمع کرنا ناقابل برداشت جرم ہوگا۔محکمہ داخلہ سندھ نے واضح کیا ہے کہ قربانی کے دنوں میں اسلحہ لائسنس بھی معطل رہیں گے،کھالیں جمع کرنے والوں پر شناختی کارڈ اور پرمٹ ساتھ رکھنا لازمی ہوگا، حکومتی احکامات کی خلاف ورزی پرجمع شدہ کھالیں ضبط کرلی جائیں گی۔

محکمہ داخلہ سندھ

مزید :

صفحہ آخر -