معروف سپورٹس پریزنٹر زینب عباس نے شاندار اعزاز حاصل کر لیا

معروف سپورٹس پریزنٹر زینب عباس نے شاندار اعزاز حاصل کر لیا
معروف سپورٹس پریزنٹر زینب عباس نے شاندار اعزاز حاصل کر لیا

  

لاہور (ڈیلی پاکستان آن لائن) پاکستان کی معروف سپورٹس پریزنٹر زینب عباس ایشیاء/یوکے اور یورپی یونین کی 100متاثر کن شخصیات کی فہرست میں شامل ہوگئی ہیں۔

تفصیلات کے مطابق فوٹو اور ویڈیو شیئرنگ ایپ انسٹاگرام پر زینب عباس نے وہ فہرست پوسٹ کی جس میں ایشیاء/یوکے اور یورپی یونین کی 100متاثر کن شخصیات کے نام درج ہیں۔زینب عباس کی جانب سے شیئر کی جانے والی فہرست میں ٹاپ چار متاثر کن شخصیات کا تعلق موسیقی کی دنیا سے ہے جن میں سرفہرست بھارتی گلوکار اے آر رحمن ہیں، دوسرے نمبر پر سونو نگم، تیسرے نمبر پر راحت فتح علی خان جبکہ چوتھے نمبر پر عدنان سمیع ہیں۔

View this post on Instagram

Honoured to be part of the 100 most influential list of people in Asia/UK/EU amongst some inspiring individuals. More power to all! thank you ???????? @kiran_rai99

A post shared by Zainab Abbas (@zabbasofficial) on

ایشیاء/یوکے اور یورپی یونین کی 100 متاثر کن شخصیات کی فہرست میں زینب عباس کے علاوہ قومی کرکٹ ٹیم کے سابق کپتان وسیم اکرم، سابق فاسٹ باﺅلر شعیب اختر، عالمی شہرت یافتہ گلوکار علی ظفر اور شفقت امانت علی بھی شامل ہیں۔ ان کے علاوہ فہرست میں سابق کپتان شعیب ملک کی اہلیہ اور بھارتی ٹینس سٹار ثانیہ مرزا کا نام بھی شامل ہے۔

زینب عباس نے اپنی پوسٹ کے کیپشن میں لکھا کہ ’یہ میرے لئے بہت اعزاز کی بات ہے کہ میرا نام ایشیاء/یوکے اور یورپی یونین کی 100 متاثر کن شخصیات کی فہرست میں شامل ہے۔

مزید :

کھیل -