ہانگ کانگ میں 20 لاکھ لوگوں کا احتجاج، ایمبولینس آئی تو مظاہرین نے کیسے راستہ چھوڑا؟ ویڈیو دیکھ کر پوری دنیا تعریفیں کرنے لگی

ہانگ کانگ میں 20 لاکھ لوگوں کا احتجاج، ایمبولینس آئی تو مظاہرین نے کیسے راستہ ...
ہانگ کانگ میں 20 لاکھ لوگوں کا احتجاج، ایمبولینس آئی تو مظاہرین نے کیسے راستہ چھوڑا؟ ویڈیو دیکھ کر پوری دنیا تعریفیں کرنے لگی

  


ہانگ کانگ (ڈیلی پاکستان آن لائن) چین کے زیر انتظام خود مختار علاقے ہانگ کانگ میں مجرموں کی چین کو حوالگی کے خلاف احتجاج کے دوران جب ایک ایمبولینس آئی تو لاکھوں لوگوں نے اس کیلئے راستہ بنا کر پوری دنیا کیلئے مثال قائم کردی۔

چین کے زیر انتظام خود مختار علاقے ہانگ کانگ میں ایک نیا قانون منظور کیا جارہا ہے جس کے تحت مجرموں کو چین کے حوالے کیا جاسکے گا۔ ہانگ کانگ کے شہری گزشتہ کچھ عرصے سے اس قانون کے خلاف احتجاج کر رہے ہیں۔ اتوار کے روز اس نئے قانون کے خلاف ہانگ کانگ میں 20 لاکھ لوگوں نے احتجاج کیاجو خطے کا سب سے بڑا احتجاجی مظاہرہ تصور کیا جارہا ہے۔

خطے کے سب سے بڑے احتجاج کے دوران جب ایک ایمبولینس آئی تو لاکھوں مظاہرین نے اس کیلئے راستہ چھوڑ دیا اور ایسے پیچھے ہوتے چلے گئے کہ پوری دنیا بالخصوص پاکستانیوں کیلئے مثال قائم کردی ۔

احتجاج کرنے والے20 لاکھ لوگوں نے نہ صرف ایمبولینس کیلئے راستہ چھوڑ کر مثال قائم کی بلکہ عرب بہار کے دنوں کی یاد بھی تازہ کردی۔

عرب بہار کے دنوں میں جب حسنی مبارک کے خلاف دن میں قاہرہ کے التحریر سکوائر میں مظاہرہ کیا جاتا تھا تو رات کو نوجوان وہاں سے گندگی بھی صاف کیا کرتے تھے، اسی طرح ہانگ کانگ کے مظاہرین نے بھی آدھی رات کو شہر کی مکمل صفائی کی ۔

مزید : ڈیلی بائیٹس /بین الاقوامی