امریکی خاتون نے سمند ر میں سب سے گہرے مقام پر پاکستانی پرچم لہر ا دیا
لندن (آئی این پی) پاکستان کی خیر سگالی سفیر ونیسا نے بحر اوقیانوس کے سب سے گہرے مقام چیلنجر ڈیپ پر پاکستانی پرچم لہرا کر سب کے دل جیت لیے۔ونیسا اوبرائن نے بحر اوقیانوس کے 10 ہزار 923 میٹر گہرے سمندر میں پاکستان کا پرچم لہرایا، خاتون نے جس مقام پر پاکستانی پرچم لہرایا اگر اس کی گہرائی کا اندازہ لگائیں تو یہ اتنی ہے کہ اگر سمندر کے اندر ماؤنٹ ایورسٹ کو ڈال دیا جائے۔ تو تب بھی وہ اس پوائنٹ سے 2 میٹر دور ہوگا۔امریکی خاتون بحر اوقیانوس کے سب سے گہرے حصے پر پہنچنے کے بعد دنیا کی وہ پہلی خاتون بن گئی ہیں جنہیں زمین کے سب سے اونچے اور نچلے حصے پر پہنچنے کا اعزاز حاصل ہے۔خاتون کے مطابق سمندر کے اس گہرے مقام 'چیلنجر ڈیپ' میں جانے کا ایک مقصد یہ بھی تھا کہ وہ مشرقی سمندری کنارے کا پانی اور چٹان کے نمونے سائنسی پیمائش کے لیے لے کر آئیں۔برطانیہ میں پاکستان کے ہائی کمشنر نفیس ذکریا نے ونیسا کو مبارکباد دی۔نفیس ذکریا نے ونیسا سے کہا کہ حکومتِ پاکستان اور پاکستان کے لوگ آپ کی کامیابی پر فخر محسوس کرتے ہیں۔پاکستان کی خیر سگالی سفیر ونیسا کو پاکستان کا جھنڈا بھی پیش کیا گیا۔
پاکستانی پرچم