سڑکوں اور پارکس میں نوجوان لڑکیوں کے ساتھ پرینک ویڈیو کے نام پر بدتمیزی کرنے والے ’ علی خان ‘ کو گرفتار کر لیا گیا
لاہور (ڈیلی پاکستان آن لائن ) آج کل سوشل میڈیا پر ’ پرینک ‘ کے نام پر لوگوں کو تنگ کرتے ہوئے شارٹ ویڈیو ز بنا کر سستی شہرت حاصل کرنے کی کوشش میں کئی افراد حد سے گزر جاتے ہیں اور وہ خواتین کے تقدس کا بھی خیال نہیں کرتے ہیں لیکن اب ان میں سے ایک شخص کے خلاف صحافی نے آواز اٹھائی تو پولیس کے ساتھ حکومت بھی حرکت میں آ گئی ہے اور اسے سلاخوں کے پیچھے پہنچا دیا ۔
تفصیلات کے مطابق علی خان نامی شخص فیس بک پیج ” ویلے لوگ “ پر اس طرح کی پرینک ویڈیو بنا کر شیئر کرتا تھا جس میں وہ طالبعلموں اور پارکس میں موجود نوجوان لڑکیوں کے ساتھ طوفان بدتمیزی برپا کرتا تھا۔ اس نوجوان کی حرکتیں اتنی زیادہ بڑھ گئیں تھیں کہ اسے روکنا ناگزیر ہو چکا تھا، صحافی ثاقب راجہ نے اس کے خلاف آواز اٹھائی اور کہا کہ میں اس وقت تک نہیں رکوں گا جب تک اس شخص کو سلاخوں کے پیچھے نہ پہنچا دوں ۔
Terrified. No one stopping this Mentality ill person and trust me i won't stop until he's behind the bar. Totally boiling look at the poor daughter how scared she is https://t.co/7okgRb8DFq pic.twitter.com/R8Uja6jW0Y
— Saqib Raja ®️ (@SaqibAhmedRaja) June 16, 2021
صحافی ثاقب راجہ نے ٹویٹر پر پیغام جاری کرتے ہوئے اس کے خلاف قانون نافذ کرنے والے اداروں کو ایکشن لینے کی درخواست کی اور کہا کہ ” یہ شخص کھلے عام شہر میں کس طرح گھوم رہاہے ، کبھی یہ سکول کی بچیوں کے بازو پکڑ لیتا ہے ، کبھی بچیوں کے سر سے دوپٹہ کھینچ لیتا ہے ، اس ویڈیو میں کسی کی بیوی کو کندھے سے پکڑ کر حراساں کر رہاہے ، کوئی قانون ہے پاکستان میں ؟ یہ مذاق ہے ؟ ۔“
Why is this Person freely Moving in cities?
— Saqib Raja ®️ (@SaqibAhmedRaja) June 14, 2021
کبھی یہ سکول کالج کی بچیوں کے بازو پکڑ لیتا یے کبھی بچیوں کے سر سے ڈوپٹہ کھینچ لیتا ہے اس ویڈیو میں کسی کی بیوی کو کندھے سے پکڑ حراساں کر رہا ہے ، کوئی قانون ہے پاکستان میں ؟ یہ مذاق ہے ؟ لکھ دی لعنت ایسے معاشرے پر جو اس پر تالی بجائے pic.twitter.com/d0LT2ZJOza
پولیس نے سوشل میڈیا پر علی خان کی حرکتوں کی ویڈیوز وائرل ہونے اور تنقید کا سلسلہ شرو ع ہونے کے بعد ایکشن لیا اور اسے گوجرانوالہ سے گرفتار کر تے ہوئے سلاخوں کے پیچھے ڈال دیاہے ۔ اس معاملے پر وزیراعلیٰ پنجاب عثمان بزدار کے فوکل پرسن برائے ڈیجیٹل میڈیا اظہر مشوانی نے پیغام جاری کرتے ہوئے کہا کہ اسے گرفتار کر لیا گیاہے ۔
Arrested by Gujranwala Police.@SarfrazFalki @CPOGujranwala @ofgoodreport_ @rpogujranwala https://t.co/LudnegYVXo pic.twitter.com/8oVVgt8wRO
— Azhar Mashwani (@MashwaniAzhar) June 17, 2021