طالبان، داعش کے ہسپتالوں پرحملوں میں بچوں کو نشانہ بنایاجاتاہے:واچ لسٹ
واشنگٹن (آن لائن )بچوں اور مسلح تنازع پر نگرانی کرنے والے ادارے واچ لسٹ نے بتایا ہے کہ طالبان، داعش اور افغان نیشنل ڈیفنس اینڈ سکیورٹی فورسز (اے این ڈی ایس ایف) لڑائی کے ایک حربے کے طور پر، طبی سہولیات اور اہل کاروں کو دانستہ طور پر نشانہ بناتے ہیں۔
میڈیارپورٹس کے مطابق واچ لسٹ اِس نتیجے پر پہنچی کہ 2017 میں افغانستان کے تنازعے میں ملوث فریق نے ملک کے 34 صوبوں میں سے کم ازکم 22 میں طبی سہولیات اور اہل کاروں پر کم از کم 63 حملے کیے۔ اِن حملوں کے نتیجے میں صحت کی دیکھ بھال کے کام میں رکاوٹ پیدا ہوئی جبکہ جاری تنازعے میں بچوں کی صحت برقرار رکھنے کا چیلنج مشکل ترین ہو چکا ہے، جس تنازع میں 2017 کے دوران اضافہ دیکھا گیا، جس کے باعث جانی نقصان میں کئی گنا اضافہ دیکھا گیا ہے۔
رپورٹ کے مطابق ہسپتالوں اور صحت سے متعلق کارکنان پر کیے جانے والے اِن حملوں کا ہدف بچوں کو ہی بنایا جا رہا ہے، ان حملوں کے نتیجے میں بچوں کو طبی امداد پہنچانے، ان کی غذائی ضرورت کو پورا کرنا اور قابل علاج امراض پر توجہ دینا مشکل ہی نہیں، ناممکن بن جاتا ہے۔واچ لسٹ کی سفارشات میں مطالبہ کیا گیا کہ افغانستان میں اقوام متحدہ کا اعانتی مشن، بچوں کے مشیران برائے حفظانِ صحت کو تعینات رکھا جائے چونکہ وہ صحت کی دیکھ بھال اور صحت کے کارکنان پر ہونے والے حملوں کی اطلاعات اکٹھی کرنے میں کلیدی کردار ادا کرتے ہیں۔
