افغان صدر کی وزیراعظم شاہد خاقان عباسی کو دورہ افغانستان کی دعوت
کابل(ڈیلی پاکستان آن لائن)افغانستان کے صدر اشرف غنی نے وزیراعظم شاہد خاقان عباسی کو کابل کا سرکاری دورہ کرنے کی دعوت دیدی۔
افغان میڈیا کے مطابق مشیرقومی سلامتی ناصر جنجوعہ نے وفد کے ہمراہ کابل میں افغان صدر اشرف غنی سے ملاقات کی جس میں افغان امن عمل سمیت دوطرفہ امور پر بات چیت کی گئی۔
Today, I received Pakistani NSA at Dilkusha palace. As a follow up to #Kabul process, I have extended an official invitation to Pakistani Prime Minister to visit #Afghanistan. This is to initiate state to state comprehensive dialogue. pic.twitter.com/3LuN3tJFq3
— Ashraf Ghani (@ashrafghani) March 17, 2018
ملاقات کے بعد افغان صدر نے اپنی ٹوئٹ میں لکھا کہ انہوں نے افغان امن عمل کے سلسلے میں پاکستانی مشیر قومی سلامتی سے ملاقات کی اور وہ پاکستانی وزیراعظم کو افغانستان کا سرکاری دورہ کرنے کی دعوت دیتے ہیں،یہ اقدام ریاستوں کے درمیان جامع مذاکرات کے لیے ہے۔
واضح رہے کہ مشیرقومی سلامتی ناصر جنجوعہ اپنے افغان ہن منصب حنیف اتمر کی دعوت پر کابل کے دورے پر گئے تھے جہاں سے وہ ملک واپس پہنچ چکے ہیں۔