”کرونا وائرس بڑی عمر کے افراد کو زیادہ متاثر کرتا ہے اس لئے ٹرافی ملتان سلطانز کو دیدی جائے کیونکہ۔۔۔“ روی بوپارا نے ایسی بات کہہ دی کہ آپ بھی ہنسی سے لوٹ پوٹ ہو جائیں

”کرونا وائرس بڑی عمر کے افراد کو زیادہ متاثر کرتا ہے اس لئے ٹرافی ملتان ...
”کرونا وائرس بڑی عمر کے افراد کو زیادہ متاثر کرتا ہے اس لئے ٹرافی ملتان سلطانز کو دیدی جائے کیونکہ۔۔۔“ روی بوپارا نے ایسی بات کہہ دی کہ آپ بھی ہنسی سے لوٹ پوٹ ہو جائیں

  



لاہور (ڈیلی پاکستان آن لائن) پاکستان کرکٹ بورڈ (پی سی بی) نے کورونا وائرس کے پیش نظر پاکستان سپر لیگ (پی ایس ایل) کے سیمی فائنلز اور فائنل میچ ملتوی کرنے کا فیصلہ کر لیا ہے جس پر شائقین کرکٹ اور کھلاڑی افسردہ تو ضرور ہیں مگر اس فیصلے کو درست قرار دے رہے ہیں۔

تفصیلات کے مطابق پی ایس ایل فائیو کا پہلا سیمی فائنل میچ آج ملتان سلطانز اور کراچی کنگز کے درمیان کھیلا جانا تھا جبکہ دوسرا سیمی فائنل کراچی کنگز اور لاہور قلندرز کے درمیان شیڈول تھے تاہم ٹورنامنٹ کو ہی ملتوی کر دیا گیا ہے اور اب نئی تاریخوں کا اعلان بعد میں کیا جائے گا لیکن روی ملتان سلطانز کے کھلاڑی روی بوپارا نے ایک ایسی بات کو مدنظر رکھتے ہوئے ٹرافی دینے کا مطالبہ کیا ہے کہ آپ بھی ہنسی سے لوٹ پوٹ ہو جائیں گے۔

پی ایس ایل 2020 ءمیں ملتان سلطانز کی نمائندگی کرنے والے روی بوپارا نے سماجی رابطوں کی ویب سائٹ ٹوئٹر پر جاری اپنے پیغام میں لکھا ”چونکہ بڑی عمر کے لوگوں کا کورونا وائرس سے متاثر ہونے کا خطرہ زیادہ ہے اس لئے جس ٹیم کی اوسط عمر زیادہ ہے اسے ٹرافی دیدی جائے۔“

دلچسپ بات یہ ہے کہ روی بوپارا پی ایس ایل میں ملتان سلطانز کی نمائندگی کر رہے ہیں لیکن اوسط عمر کی بات کی جائے تو ان کی ٹیم سب سے آخری نمبر پر آتی ہے۔ رواں سیزن میں اسلام آباد یونائیٹڈ میں شامل کھلاڑیوں کو دیکھا جائے تو اس کی اوسط عمر 27 سال اور 153 دن ہے اور پشاور زلمی کی اوسط عمر 27 سال 229 دن بنتی ہے جبکہ کوئٹہ گلیڈی ایٹرز 28 سال 48 دن، کراچی کنگز 29 سال 127 دن، لاہور قلندرز 29 سال اور 307 دن جبکہ ملتان سلطانز میں شامل کھلاڑیوں کی عمر کو دیکھا جائے تو اس ٹیم کی اوسط عمر 30 سال 285 دن بنتی ہے۔

مزید : کھیل /PSL /PSL News Update