بنوں (ڈیلی پاکستان آن لائن )بنوں کینٹ حملے میں ہلاک مزید 3 افغان دہشت گردوں کی شناخت ہوگئی، 2 افغان دہشتگردوں کی پہلے سے شناخت ہوئی تھی۔
روز نامہ جنگ کے مطابق ذرائع تفتیشی ٹیم کا کہنا ہے کہ ہلاک دہشتگردوں کا تعلق افغانستان کے مختلف اضلاع سے ہے، ایک حملہ آور کی شناخت عبدالرزاق حجران المعروف اظہر کے نام سے ہوئی، عبدالرزاق افغانستان کے صوبہ پکتیا کے ضلع زرمت میں کالاگو بازار کا رہائشی تھا۔
حملے میں افغان دہشت گرد انصاراللہ المعروف طیب بھی مارا گیا، خودکش حملہ آور انصاراللہ کا تعلق افغانستان کے علاقے میدان سحر وردگ سے تھا، حملے میں ملوث پانچواں دہشتگرد عتیق اللہ بھی افغان شہری ہے۔
ذرائع تفتیشی ٹیم کا کہنا ہے کہ ہلاک دہشت گرد عتیق اللہ صافی کابل پل چرخی کا رہائشی تھا، سکیورٹی ادارے بنوں کینٹ حملے کی مزید تحقیقات کر رہے ہیں۔
واضح ر ہے کہ بنوں کینٹ کی دیوار کے قریب 4 مارچ کو 2 خودکش حملے ہوئے تھے جس کی ذمہ داری کالعدم تنظیم گل بہادر گروپ نے قبول کی تھی۔ بروقت اور مو¿ثر کارروائی کے نتیجے میں تمام 16 حملہ آور ہلاک ہوگئے تھے۔