نویں جماعت کے طالبعلم نے ٹریفک کنٹرول کرنے کا نیا نظام وضع کر لیا

لاہور(مانیٹرنگ ڈیسک) نویں جماعت کے ایک طالبعلم نے ٹریفک کنٹرول کرنے کا نیا نظام ایجاد کیا ہے جس کی مدد سے سڑکوں پر رش اور ٹریفک بلاک کے مسائل پر بڑی حد تک قابو پایا جا سکتا ہے۔پاک ترک سکول لاہور کے محمد عبداللہ عابد ولد محمد اسماعیل عابد نے ایک سافٹ وئیر ایجاد کیا ہے جو ویب کیم کی مددکسی بھی سگنل پر چاروں اطراف میں گاڑیوں کی تعداد دیکھ کر ٹریفک کنٹرول کرتا ہے۔جس طرف زیادہ گاڑیاں ہوں انھیں زیادہ وقت اور جس سمت میں گاڑیاں کم ہوں انھیں کم وقت دیا جاتا ہے۔یہ ایس ایم ایس یا ریڈیو سگنل کے زریعے ڈرائیوروں کوسڑک بلاک ہونے جبکہ مشکوک حرکت دیکھ کر پولیس کو بھی اطلاع کرتا ہے۔ اس ایجاد کے بعد پاک ترک انتطامیہ نے عابد کو ترکی کی دارالحکومت انقرہ میں ہونے والے عالمی آئی ٹی کے مقابلہ میں شرکت کے لئے بھجوایا جہاں امریکہ، تھائی لینڈ، بھارت، افغانستان، ترکی، نائیجیریا، البانیہ اوربرازیل سمیت 48 ممالک کے طلباءنے 176پراجیکٹ پیش کئے جس میں منتظمین نے انھیں دوئم انعام اور تین سو ڈالر کا حقدار قرار دیا گیا۔کامیابی پر تبصرہ کرتے ہوئے ڈائریکٹر ایجوکیشن پاک ترک کامل طورے نے کہا کہ ٹیکنالوجی کا قروغ ترقی کے لئے ضروری ہے اور ہم پاکستانی طلبا کی حوصلہ افزائی کرتے رہیں گے۔