انگلینڈ سیریز میں پراپیگنڈے کا توڑ ، پی سی بی پروفیشنل میڈیا پرسن ہائر کریگا

انگلینڈ سیریز میں پراپیگنڈے کا توڑ ، پی سی بی پروفیشنل میڈیا پرسن ہائر کریگا

لاہور ( این این آئی) پاکستان کرکٹ بورڈ نے دورہ انگلینڈ کے دوران حریف ٹیم کے ساتھ برطانوی میڈیا کو بھی قابو کرنے کے لئے منصوبہ بندی کر لی ۔ ذرائع کے مطابق دورہ انگلینڈ پاکستان کرکٹ ٹیم کے لیے ہمیشہ ہی مشکل رہا ہے ۔ پاکستان کرکٹ ٹیم کے 2010ء کے دورہ انگلینڈ کی تلخ یادیں تو شاید ہی بھلائی جا سکیں ۔ مشہور زمانہ اسپاٹ فکسنگ اسکینڈل کے بعد قومی ٹیم پہلی بار انگلش سرزمین پر قدم رکھے گی ۔ دورہ انگلینڈ کے لئے کھلاڑی اپنی تیاری تو کر رہے ہیں ۔ برطانوی میڈیا کو بھی ہینڈل کرنے کے لئے پی سی بی کی جانب سے بھی کام ہو رہا ہے ۔ غیر ملکی پروفیشنل میڈیا پرسن کی خدمات حاصل کی جا رہی ہیں ۔ اس سلسلے میں آئی سی سی کے میڈیا کمیونیکیشن کے منیجربرائن مرگیٹ رائیڈسے معاملات طے پا گئے ہیں ۔ ساتھ ہی پی بی سی میڈیا ڈیپارٹمنٹ کے افراد بھی ٹیم کے ہمراہ ہوں گے ۔

مزید : کھیل اور کھلاڑی