پاکستان اے ٹیم کے نیوزی لینڈ، انگلینڈ کیساتھ سیریز معالات طے

پاکستان اے ٹیم کے نیوزی لینڈ، انگلینڈ کیساتھ سیریز معالات طے

  



لاہور(آئی این پی)پاکستان کر کٹ بورڈ(پی سی بی )کے پاکستان اے کرکٹ ٹیم کے دورہ کیلئے نیوزی لینڈ اور انگلینڈ کے ساتھ معاملات طے پا گئے ہیں۔پاکستان اے کرکٹ ٹیم کو مکمل سیریز ملے لگ بھگ دو برس ہو گئے ہیں لیکن خوش آئند بات یہ ہے کہ اس برس پاکستان اے ٹیم کو بیک ٹو بیک دو سیریز ملیں گی۔اس سلسلے میں پاکستان کرکٹ بورڈ کے انگلینڈ اور نیوزی لینڈ کے ساتھ معاملات طے پا گئے ہیں اور اس وقت سیریز کے میچز اور تاریخوں کو حتمی شکل دی جا رہی ہے ۔

ذرائع کا کہنا ہے کہ پاکستان نومبر سے جنوری کے درمیان متحدہ عرب امارات میں نیوزی لینڈ اے ٹیم اور انگلینڈ لائنز کی میزبانی کرے گا۔ سیریز میں فور ڈے میچز کے ساتھ ساتھ ایک روزہ میچز کی سیریز بھی شامل ہوگی۔

مزید : کھیل اور کھلاڑی