گیری کرسٹن نئے ہیڈکوچ کیلئے بنگلہ دیش کرکٹ بورڈ کے معاون

گیری کرسٹن نئے ہیڈکوچ کیلئے بنگلہ دیش کرکٹ بورڈ کے معاون

  



ڈھاکہ(آئی این پی)سابق جنوبی افریقن بلے باز اور بنگلہ دیشی ٹیم کے کنسلٹنٹ گیری کرسٹن نئے ہیڈکوچ کے چناؤ کے سلسلے میں بنگلہ دیش کرکٹ بورڈ کی معاونت کریں گے۔ بی سی بی کے صدر نظم الحسن نے اپنے بیان میں کہا کہ بورڈ نے کوچ کے عہدے کیلئے تین امیدواروں کو شارٹ لسٹ کیا ہے، کرسٹن آئندہ ہفتے ڈھاکہ پہنچیں گے اور بتائیں گے کہ ٹیم کو اس وقت کس طرح کے کوچ کی ضرورت ہے جس کے بعد ہم حتمی کوچ کا اعلان کریں گے۔

انہوں نے کہا کہ نئے کوچ کی پہلی اسائنمنٹ آئندہ سال کے آخر میں دورہ ویسٹ انڈیز ہو گی۔ انہوں نے اس بات کی بھی تصدیق کی ہے کہ کورٹنی والش بطور عبوری ہیڈکوچ افغانستان کے خلاف شیڈول ٹی ٹونٹی سیریز میں ذمہ داریاں جاری رکھیں گے۔ واضح رہے کہ بنگلہ دیشی ٹیم کو گزشتہ سال نومبر سے مستقل ہیڈکوچ کی خدمات حاصل نہیں ہیں۔

مزید : کھیل اور کھلاڑی


loading...