’’جنرل راحیل شریف نے ملک سے بے وفائی کی کیونکہ انہوں نے بھی ۔ ۔ ۔‘‘ معروف صحافی ہارون الرشید نے راحیل شریف پر انتہائی سنگین الزام لگا دیا

’’جنرل راحیل شریف نے ملک سے بے وفائی کی کیونکہ انہوں نے بھی ۔ ۔ ۔‘‘ معروف ...

 لاہور (ڈیلی پاکستان آن لائن) سابق وزیراعظم نواز شریف کی جانب سے ممبئی حملوں کے حوالے سے دیے جانے والے بیان کے بعد اٹھنے والا ہنگامہ ابھی تک جاری ہے، جس میں ہر کوئی اپنا حصہ بقدر جثہ شامل کر رہا ہے۔ سینئر تجزیہ کار اور کالم نویس ہارون الرشید نے نواز شریف کے اس بیان کا ذمہ دار راحیل شریف کی ’’ عنایتوں ‘‘ کو قرار دیا ہے۔

سینئر صحافی ہارون الرشید نے ٹوئٹر پر لکھا کہ ’’ کیا جنرل راحیل شریف بھی ملک سے بے وفائی کا مرتکب نہیں ہوا، جانتے بوجھتے اس نے نواز شریف اور مریم نواز کو ڈان لیکس کی تحقیقات سے الگ کر دیا‘‘۔

خیال رہے کہ ڈان لیکس کے معاملے پر سابق وزیر اعظم نواز شریف کے معاون خصوصی طارق فاطمی، اس وقت کے وزیر اطلاعات پرویز رشید اور پرنسپل انفارمیشن سیکرٹری راؤ تحسین کو عہدوں سے ہٹایا گیا تھا لیکن آج تک یہ بات واضح نہیں ہوسکی کہ ڈان لیکس کا اصل ذمہ دار کون تھا۔ اپوزیشن جماعتیں اور بعض سیاسی تجزیہ کار ڈان لیکس کا ذمہ دار مریم نواز کو قرار دیتے ہیں جس کا اندازہ ہارون الرشید کے ٹویٹ سے بھی کیا جاسکتا ہے۔دوسری جانب ہارون الرشید  کے ٹویٹ پر صارفین ملے جلے رد عمل کا اظہار کر رہے ہیں۔عبدالقیوم نامی صارف نے سوال اٹھایا کہ راحیل شریف کو کون پوچھے گا ؟

بیرسٹر حمزہ گلزارنے کہا کہ راحیل شریف کے پاس صرف اور صرف یہ حل تھا کہ وہ ملک میں مارشل لا لگاتا اور نواز شریف کو گرفتار کرلیتا کیونکہ اس کے پاس وزیر اعظم کو گرفتار کرنے کا کوئی اختیار نہیں تھا، اور اگر وہ ایسا کرلیتا تو پھر آگے کیا ہوتا ؟۔

وقاص رانا نے لکھا کہ اگر راحیل شریف کے پاس نواز شریف کو ڈان لیکس میں گرفتار کرنے کا اختیار نہیں تھا تو اس کا یہ مطلب نہیں کہ انہیں کھلی آزادی دے دی جائے ، ڈان لیکس بہت ہی حساس معاملہ تھا اور آرمی چیف کی ذمہ داری تھی کہ وہ ملک بچانے کیلئے ایسے غداروں کو برباد کردیتا، خواہ اس کام کیلئے مارشل لا لگانا پڑتا، عدالتوں کا سہارا لینا پڑتا یا جو بھی طریقہ اپنایا جاتا۔

مسعود خان نے لکھا ’’جناب ہارون الرشید اب تو سب کچھ عیاں ہو گیا کہ موصوف جنرل صاحب کی عنایتوں کی وجہ سے اج قوم کو یہ دن دیکھنا پڑ رہے ہیں۔‘‘

ہارون الرشید کی ٹویٹ کے جواب میں لائبہ  تابش نے جنرل راحیل شریف کے صاحبزادے پر آمدن سے زائد اثاظے بنانے کا الزام عائد کردیا۔

مزید : علاقائی /پنجاب /لاہور

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...