وزیراعظم اپنے اعلان کے مطابق ڈالر کی قیمت کو کنٹرول، روپے کی قدر مستحکم کریں

جماعت اسلامی پاکستان کے مرکزی رہنما لیاقت بلوچ نے کہا ہے وزیراعظم عمران خان نے تو بڑے پر اعتماد انداز میں یہ کہا تھا اب ڈالر کی قیمت نہیں بڑھے گی لیکن اس کے باوجود روز ڈالر کی قیمت بڑھ اور پاکستانی روپے کی قدر میں کمی آ رہی ہے اس طرح کی صورتحال کے بعد خود وزیراعظم اور ان کی حکومت کی ساکھ بھی خراب ہو گئی ہے۔وہ ایشو آف دی ڈے میں اظہار خیال کررہے تھے۔ان کا کہنا تھا ڈالر کی قیمت کے بڑھنے کیساتھ ہی آپ کے اپنے روپے کی جب قیمت گرتی ہے تو پھر اس سے آپکی معیشت پر ایک نفسیاتی دباؤ آ جاتا ہے جس کے نتیجے میں ملک میں مہنگائی کا طوفان آ جا تا ہے ضرورت اس امر کی ہے وزیراعظم اپنے اعلان کے مطابق ڈالر کی قیمت کو کنٹرول، اپنے روپے کی قدر کو مستحکم کریں اور پاکستانی عوام کو ریلیف دیں وہ ریلیف دینے کا وعدہ کرکے حکومت میں آئے ہیں اب اس کو عملی شکل بھی دیں۔
لیاقت بلوچ