پنجاب میں فلور ملز کا کوٹہ کب بڑھایا جائے گا؟عبد العلیم خان نے مل مالکان کو بڑی خوشخبری سنا دی

پنجاب میں فلور ملز کا کوٹہ کب بڑھایا جائے گا؟عبد العلیم خان نے مل مالکان کو ...
پنجاب میں فلور ملز کا کوٹہ کب بڑھایا جائے گا؟عبد العلیم خان نے مل مالکان کو بڑی خوشخبری سنا دی

  

لاہور(ڈیلی پاکستان آن لائن) صوبائی وزیر عبد العلیم خان نے کہا ہے کہ پنجاب میں 3.64 ملین میٹرک ٹن گندم کی خریداری مکمل کرلی گئی،جیسے ہی ٹارگٹ مکمل ہوگا فلور ملز کا کوٹہ بڑھا دیں گے۔ 

تفصیلات کے مطابق وزیر خوراک پنجاب عبد العلیم خان نے کہا ہے کہ پنجاب میں 3.64 ملین میٹرک ٹن گندم کی خریداری مکمل کرلی،موجودہ حکومت نےگزشتہ3برس کےمقابلے میں سب سے زیادہ گندم خریدی ہے، گندم خریداری کا 45 لاکھ میٹرک ٹن کا سب سے بڑا ہدف مقرر کیا گیا ہے۔ انہوں نے کہا کہ پنجاب کی تاریخ میں اتنی بڑی مقدار میں گندم پہلے نہیں خریدی گئی،36 لاکھ میٹرک ٹن گندم کی خرید بڑے ٹارگٹ کا حصول ہے،پنجاب کے عوام کو گندم کی قلت نہیں آنے دیں گے۔

صوبائی وزیر خوراک نے ایک ٹویٹ میں کہا کہ گندم کی خرید میں کامیابی کے فلور ملز پر بھی مثبت اثرات مرتب ہوں گے، جیسے ہی ٹارگٹ مکمل ہو گا فلور ملز کا کوٹہ بڑھا دیں گے۔ سینئر وزیر عبدالعلیم خان کا کہنا تھا کہ ذخیرہ اندوزوں کے خلاف کاروائی سے گندم خریداری کا ہدف آسان ہوا،صوبے میں گندم خریداری کا ہدف بہترین ٹیم ورک کا نتیجہ ہے۔ گندم خرید کی کامیابی پروزیر خوراک نے ضلعی انتظامیہ اور محکمہ خوراک کے افسران کو شاباشی بھی دی۔

مزید :

علاقائی -پنجاب -لاہور -