یا اللہ ہم سے راضی ہو جا ، ہمیں دین پر چلنے والا بنا دے ،رائیونڈ اجتماع کے اختتامی مرحلہ پر دعا

                            لاہور(اے این این)راوئیونڈ میں جاری عالمی تبلیغی اجتماع کا دوسرامرحلہ بھی اختتام پذیر ،اختتام کے موقع پر ہر آنکھ نم، دعوت و تبلیغ کا پیغام لے کرقافلے اپنی منازل کی طرف روانہ،اجتماع میں 6ہزار سے زائد غیرملکیوں کی بھی شرکت ۔تفصیلات کے مطابق لاہور کے نواحی علاقے رائیونڈ میں تبلیغی اجتماع کا دوسرا مرحلہ بھی اختتام پذیر ہو گیا ۔ تبلیغی اجتماع کے دوسرے مرحلے کی اختتامی دعا امیرجماعت حاجی عبدالوہابنے کرائی اس دوران شرکا کی آنکھیں نم ہو گئیں ، حاجی عبدالوہاب نے اللہ کے حضور گڑگڑا کردعاکی کہ اےاللہ تو ہم سے راضی ہو جا،ہمیں دین پر چلنے والا بنا دے،اللہ تو ہمیں غفلت کی نیند سے بیداری نصیب فرما، ہمیں خود بھی دین پر چلنے والا بنا دے اور دعوت و تبلیغ میں بھی ہماری رہ نمائی فرما دے۔اللہ ہمیں آزمائشوں میں نہ ڈال،مسلمانوں میں اتحاد واتفاق پیدا کر دے،اے اللہ پاکستان کی حفاظت اور مسلمانوں کو کامیابی نصیب فرما،اجتماع کے دوسرے مرحلے میں 6ہزار سے زئد غیرملکی مندوبین بھی شریک ہوئے۔قافلوں کی واپسی شروع ہوئی توسڑکوں پر گاڑیوں کی لمبی قطاریں لگ گئیں۔کئی مقامات پر ٹریفک جام ہو گیا۔