عمران خان خیبر پختونخوا کو سنبھال لیں تو یہ ہی کافی ہے، نرگس فیض
لاہور )جنرل رپورٹر (پیپلزپارٹی کی رہنما اور سابق پارلیمانی سیکرٹری اسمبلی نرگس فیض ملک نے کہا ہے کہ عمران خان خیبر پختونخوا کو سنبھال لیں تو یہ ہی کافی ہے ۔ایک بیان میں انہوں نے کہاکہ عمران خان انتہائی گھٹیا زبان استعمال کررہے ہیں وہ ایک دن کچھ کہتے ہیں اور دوسرے دن کچھ کہتے ہیں ،ان کے قول و فعل میں تضاد ہے ،ایک صوبہ ان سے سنبھالا نہیں جارہا اور وہ دوسرے صوبوں میں اپنی طاقت کا مظاہرہ کرنے کا اعلان کررہے ہیں ان کے پاس کتنی عوامی طاقت ہے اس کے بارے پورا ملک آگاہ کیا ان کے دھرنے میں کتنے لوگ آتے ہیں یہ سب کو معلوم ہے ان کا دھرنا بری طرح ناکام ہوگیا ہے اور اب یہ دھرنا تفریح کا ذریعہ بن گیا ہے جہاں نوجوان سیر کے لئے آتے ہیں ، عمران خان کے پاس کوئی منشور نہیں ہے وہ اب تک اپنی کار کردگی بتائیں عمران خان نے ہمیشہ جمہوری حکومت کے خلاف سازشیں کیں اور آمریت کا ساتھ دیا عمران خان ہمیشہ جھوٹ کا سہارا لیتے رہے ہیں اوراب پھر وہ ایسا ہی کررہے ہیں۔
