لندن،دنیا کاانوکھاآدمی جو wifi بن سکتاہے

لندن (نیوز ڈیسک) آج کل جدید موبائل فونز میں وائی فائی ٹیکنالوجی کی سہولت مہیا کی جاتی ہے لیکن ایک برطانوی شخص نے اپنے جسم میں ہی یہ صلاحیت پیدا کرلی ہے کہ وہ وائی فائی سگنل موصول کرسکتا ہے۔32 سالہ فرینک سوین کو 20 سال کی عمر میں سماعت کی کمزوری کا مسئلہ درپیش ہوگیا اور رفتہ رفتہ ان کی قوت سماعت ختم ہونے لگی۔ اس مسئلہ کے حل کے لئے ان کے کان میں قوت سماعت بہتر بنانے والا آلہ نصب کیا گیا اور چونکہ وہ سائن میں خصوصی دلچسپی رکھتے ہیں، اس لئے انہوں نے فینٹم ٹیرینز نامی آلے کو وائی فائی سگنل موصول کرنے کی صلاحیت سے بھی لیس کردیا ہے۔ وہ جب بھی سڑک پر چل رہے ہوتے ہیں یا کسی عمارت میں داخل ہوتے ہیں تو وہاں موجود وائی فائی کے سگنل ان کے کان میں آواز کی صورت میں سنائی دیتے ہیں۔ وائی فائی سگنل کو آئی فون موصول کرتا ہے اور پھر فرینک کی ٹیکنالوجی اسے آواز میں تبدیل کرتی ہے۔ اس کا کہنا ہے کہ وائی فائی کے سگنل اس کے کان میں دیگر عام آوازوں کے ساتھ مل کر سنائی دیتے ہیں اور اس دوران دیگر آوازوں کے سننے میں کوئی خلل واقع نہیں ہوتا۔