بڑے بڑے دعوے کرنے سے مسائل حل نہیں ہوتے،اشرفدیونہ

بڑے بڑے دعوے کرنے سے مسائل حل نہیں ہوتے،اشرفدیونہ

لاہور(پ ر)مسلم لیگ( ن )کے ممبر پنجاب اسمبلی چوہدری محمد اشرف دیونہ نے کہا ہے کہ زبانی نعروں اور بڑے بڑے دعوے کرنے سے عوامی مسائل حل نہیں ہوتے اس کے لئے موجودہ قیادت کی طرح دن رات ایک کرنا پڑتا ہے اس کے مقابلے میں صوبہ خیبر پختونخواہ حسرتوں کی داستاں بیان کرتا دکھائی دیتا ہے جہاں تبدیلی ,ڈھونڈنے سے بھی نہیں ملتی حکومت 2018ء تک لوڈشیڈنگ اور توانائی بحران کا ہمیشہ کیلئے خاتمہ کر دے گی جس کیلئے سولر، کول اور ایل این جی پاور پراجیکٹس شروع کئے جا رہے ہیں ۔

جبکہ قائداعظم سولر پارک نے کام شروع کر دیا ہے اور آئندہ برس تک اس کی پیداوار 1000 میگاواٹ ہوجائے گی۔ انہوں نے کہا کہ غربت کے خاتمے اور لوگوں کے معیار زندگی کو بہتر بنانے کیلئے پنجاب حکومت ہرسال 10لاکھ افراد کو ملازمت کے مواقع فراہم کرے گی اور 2018ء تک 20لاکھ گریجوایٹس ووکیشنل ٹریننگ فراہم کرے گی۔ انہوں نے کہا کہ پنجاب کی ایکسپورٹ کو ہر سال 15فیصد تک بڑھایا جائے گا جبکہ گروتھ ریٹ کو 8فیصد تک لے جایا جائے گا۔انہوں نے کہا کہ میلینیم ڈویلپمنٹ اہداف کو 2018ء تک حاصل کر لیا جائے گا۔انہوں نے کہا کہ سرکاری ملازمین کی تنخواہوں میں اضافہ وفاقی بجٹ کے بعد کیا جائے گا۔انہوں نے کہا کہ اقتصادی ترقی کیلئے امن و امان کی صورتحال بہتر ہونا بہت ضروری ہے اور دھرنا سیاست نے سرمایہ کاری کو بہت نقصان پہنچایا ہے

مزید : میٹروپولیٹن 1