امریکا نے ’’کاؤنٹر بیٹری راڈار سسٹم‘‘ یوکرین کے حوالے کر دیا

امریکا نے ’’کاؤنٹر بیٹری راڈار سسٹم‘‘ یوکرین کے حوالے کر دیا

کیف(اے پی پی)امریکا نے ’’کاؤنٹر بیٹری راڈار سسٹم‘‘ یوکرین کے حوالے کر دیا ہے۔ یوکرین میں امریکی سفیر جیفری پائیٹ نے اپنے ٹوئٹر اکاؤنٹ پربتایا کہ کاؤنٹر بیٹری راڈار ایک متحرک ریڈیو لوکیٹنگ سٹیشن ہے جو مدمقابل کی توپوں، بارودی سرنگیں برسانے والے آلات، اسی طرح میزائل داغے جانے والے ذرائع اور ضد میزائل نطام کی نشاندہی کرتا ہے۔گولے اور میزائل کے اختیار کردہ راستے سے ان ہتھیاروں کے مقام موجودگی کا پتہ لگاتا ہے۔ ایسے ایک آلے کی قیمت ڈیڑھ کروڑ ڈالر سے زیادہ ہے۔اس سے پہلے پائیٹ نے بیان دیا تھا کہ امریکہ اس ہفتے یوکرین میں دو کاؤنٹر بیٹری راڈار پہنچائے گا۔ سفیر موصوف نے یہ بھی کہا تھا کہ امریکہ یوکرین کی مدد کرنا جاری رکھے گا اور ملک کے دفاع کی خاطر اضافی وسائل فراہم کرے گا۔

مزید : عالمی منظر