یو ایس انٹرٹینمنٹ نے نئے ٹیلنٹ کو پروموٹ  کر نے میں اہم کر دار ادا کیا،سہراب افگن

لاہور (فلم رپورٹر)سینئر اداکار اور ڈائریکٹر سہراب افگن نے کہا ہے کہ یو ایس اینٹرٹینمنٹ نے  ہمیشہ نئے ٹیلنٹ کو پرموٹ کر نے میں اہم کر دار ادا کیا ہے اور یہی وجہ ہے کہ آج میرے ادارہ کی بدولت کئی ماڈل واداکار اورایونٹ آرگنائزر اپنی صلاحیتوں کا مظاہرہ کررہے ہیں،ایسے لوگوں کو دیکھ کر ایک دلی اطمینان ہوتا ہے اور جب میں کسی کو کامیابی کی منزل پر دیکھتا ہوں تو میری خوشی دگنی ہوجاتی ہے کیونکہ مجھے اپنی محنت کا ثمر مل چکا ہوتا ہے۔  انہوں نے کہا کہ یو ایس انٹرٹینمنٹ آج بھی نئے لوگوں کو پرموٹ کرنے میں سب سے آگے ہے اور بہت جلد اس کی ایک بڑی لاٹ شوبز کی دنیا میں داخل ہوکراپنی صلاحیتوں کا لوہا منوائے گی۔
 انہوں نے کہاکہ میرے ادارے سے کام سیکھنے والے آج بڑے بڑے پروگرام آرگنائز کررہے ہیں اور اس کے ساتھ اداکار و ماڈل نہ صرف پاکستان بلکہ بیرون ملک میں ہونے والے فیشن شوز میں حصہ لیکر ملک کا نام روشن کررہے ہیں۔