ڈیرہ،پولیس پر حملوں میں ملوث اقبال کھیارہ گروپ کا اہم دہشتگردی مارا گیا،1فرار

ڈیرہ،پولیس پر حملوں میں ملوث اقبال کھیارہ گروپ کا اہم دہشتگردی مارا ...

  



ڈیرہ اسما عیل خان(بیورورپورٹ)  سی ٹی ڈی پولیس اور سیکورٹی فورسز نے کوٹلہ سیدان نہر کے قریب کاروائی کے دوران ڈیرہ پولیس کو پولیس پر حملوں سمیت دہشتگردی کے متعدد مقدمات میں مطلوب اقبال کھیارہ گروپ کے اہم دہشتگرد مارا گیا، ایک دہشتگرد فرار، دستی بم اور پستول برآمد۔ تفصیلات کے مطابق سی ٹی ڈی پولیس اور سیکورٹی فورسز نے تھانہ ڈیرہ ٹاؤن کے علاقہ کوٹلہ سیدان نہر کے قریب دہشتگردوں کی موجودگی کی اطلاع پر کاروائی کے دوران مشکوک موٹر سواروں کو رکنے کا اشارہ کیا جس پر مشکوک موٹر سواروں نے فرار ہونے کی کوشش  میں پولیس اور سیکورٹی فورسز پر فائرنگ کردی۔ جوابی فائرنگ میں ایک دہشتگرد ہلاک ہوگیا جبکہ اس کا ایک ساتھی فرار ہونے میں کامیاب ہوگیا۔ ہلاک دہشتگرد کی شناخت کفایت اللہ ولد اشرف سکنہ چاہ خانوالہ پروآ اور فرار ہونے والے دہشرگرد کی شناخت محمد شعیب کے نام سے ہوئی۔ پولیس ذرائع کے مطابق ہلاک ہونے والا دہشتگرد ڈیرہ پولیس کو پولیس کو پروآ پولیس موبائل حملے کے علاوہ دیگر چھ اہم مقدمات میں مطلوب تھا۔ہلاک دہشتگرد کے قبضے سے ہینڈ گرنیڈ اور پستول بھی برآمد کیا گیا۔ پولیس اور سیکورٹی فورسز نے کوٹلہ سیدان نہر کے قریبی علاقے کو گھیرے میں لیکر علاقے میں سرچ آپریشن شروع کردیا۔

مزید : صفحہ اول