ماں بننے والی خواتین کی درد کم کرنے کا انتہائی آسان نسخہ
نیو یارک ( نیوز ڈیسک ) پاکستان جیسے غریب ممالک میں ہر سال لاکھوں خواتین کی ہلاکت دوران زچگی ہو جاتی ہے اور اس کی بنیادی وجوہات میں سے ایک ان خواتین کا مناسب خوراک سے محروم ہونے کی وجہ سے کمزوری اور بیماری کا شکار ہونا بھی ہے۔
امریکی سائنسدانوں نے ایک تازہ تحقیق میں یہ بھی معلوم کر لیا ہے کہ خوراک میں وٹامن ڈی کی کمی کا شکار خواتین کو درد زہ کی زیادہ شدت کا سامنا کرنا پڑتا ہے اور جن خواتین میں وٹامن ڈی کی کمی نہیں ہوتی انہیں بوقت پیدائش کم درد کا سامنا کرنا پڑتا ہے۔یہ تحقیق امریکن سوسائٹی آف اینستھیسزیالوجسٹ کی سالانہ میٹنگ میں پیش کر دی گئی ہے۔
ماہرین کا کہنا ہے کہ وٹامن ڈی کی کمی کا شکار خواتین میں ڈپریشن اور دردوں کی عمومی شکایات بھی زیادہ پائی جاتی ہیں۔تحقیق میں شامل 93 حاملہ ماو¿ں میں سے وٹامن ڈی کی کمی کا شکار خواتین کو دوران زچگی درد کش ادویات کی ضرورت کہیں ذیادہ پیش آئی۔وٹامن ڈی دودھ ، جوس اور مچھلی کے تیل جیسی غذاو¿ں میں بکثرت پایا جاتا ہے۔