حکومتی حمایتی افغان خاتون کمانڈرساتھیوں سمیت طالبان کیساتھ شامل

کابل(آئی این پی)افغان حکومت کی حمایتی خاتون کمانڈر کفتر نے طالبان کیساتھ شامل ہونے کا اعلان کیا ہے۔طالبان کے ترجمان ذبیح اللہ مجاہد نے اپنے ٹوئٹر اکاؤنٹ پر کمانڈر کفتر کی شمولیت کی تصدیق کرتے ہوئے خاتون کی تصویر بھی شیئر کی ہے۔ذبیح اللہ مجاہد نے مزید لکھا کہ جمعرات کو بغلان کے نہرین ضلع میں کمانڈر کفتر کے مسلح ساتھی بھی طالبان کیساتھ شامل ہوئے ہیں۔بغلان صوبے کے حکام نے کمانڈر کفتر کی افغان طالبان کیساتھ شمولیت کے بارے میں ابھی کچھ نہیں کہا۔افغان میڈیا کے مطابق عائشہ اپنے علاقے میں کمانڈر کفتر کے نام سے مشہور ہیں۔انہوں نے تقریبا دو دہائیوں سے طالبان کیخلاف لڑائی کی۔ کمانڈر کفتر نے روس کیخلاف جہاد میں بھی حصہ لیا تھا اور مقامی رپورٹس کے مطابق مجاہدین کی ایک بڑی تعداد ان کے ماتحت تھی۔کمانڈر کفتر کے بارے میں کہا جاتا ہے وہ افغانستان کی واحد خاتون وار لارڈ ہیں۔ 
افغان خاتون کمانڈر