لیبر پارٹی کی مقامی قیادت کے امتیازی سلوک کے باعث استعفادیا،رخیہ اسماعیل 

 لندن (آن لائن)امتیازی سلوک سے تنگ آکر مستعفی ہونے والی پہلی برطانوی باحجاب خاتون مئیررخیہ اسماعیل نے ایک اخبار کو انٹرویو دیتے ہوئے بتایا کہ انہوں نے خود پر چاقو سے حملے کا معاملہ میڈیا پر اٹھایا جس پر لیبرپارٹی سے تعلق رکھنے والے انکے ایک ساتھی ان پر برہم  ہوئے کہ وہ علاقے کی ساکھ کو نقصان پہنچا رہی ہیں۔ انہوں نے کہا کہ 2019 ء میں کونسل نے عید کے موقع پر تقریب منعقد نہ کرنے کا فیصلہ کیا اور اس فیصلے کے پیچھے ان کے بعض ساتھیوں کا اسلاموفوبیا تھا۔ انہوں نے کہا کہ نے کہا ”میں نے محسوس کیا کہ سیاہ فام اور لسانی اقلیت سے تعلق رکھنے والی خاتون کی حیثیت سے میری کوئی بات نہیں سنی جاتی“۔ان کا یہ بھی کہنا تھا کہ’مجھے بے حد افسوس ہے کہ جس پارٹی کے بارے میں میرا خیال تھا کہ وہ انصاف اور برابری کیلئے ہے، وہاں بہت سی وجوہات کی بنا پر معاملہ اس کے برعکس ہے۔رخیہ اسماعیل نے کہا کہ میں پارٹی نظام سے لڑرہی تھی جو سفید فارم مردوں کو بااختیار کرتا ہے کہ وہ جب بھی اور جو کچھ بھی خواہش کریں، ان کے پاس ہو۔دوسری جانب لیبر پارٹی کے ترجمان کا کہنا ہے کہ’کونسلر اسماعیل کا مستعفی ہونے کا فیصلہ مایوس کن ہے۔ انہوں نے ناقابل یقین حد تک مشکل وقت میں علاقے کے قابل ستائش انداز میں خدمت کی۔
زخیہ اسمٰعیل