دیکھ لیتے ہیں اب اُس بام کو آتے جاتے | نصیر ترابی |

دیکھ لیتے ہیں اب اُس بام کو آتے جاتے | نصیر ترابی |
دیکھ لیتے ہیں اب اُس بام کو آتے جاتے | نصیر ترابی |

  IOS Dailypakistan app Android Dailypakistan app

دیکھ لیتے ہیں اب اُس بام کو آتے جاتے
یہ بھی آزار چلا جائے گا جاتے جاتے

دل کے سب نقش تھے ہاتھوں کی لکیروں جیسے
نقشِ پا ہوتے تو ممکن تھا مٹاتے جاتے

شہرِ بے مہر کبھی ہم کو بھی مہلت دیتا
ایک دیا ہم بھی کسی رخ سے جلاتے جاتے

پارۂ ابرِ گریزاں تھے کہ موسم اپنے
دُور بھی رہتے مگر پاس بھی آتے جاتے

 اُ س کے کوچے میں بھی ہو، راہ سے بے راہ نصیرؔ
اتنے آئے تھے تو آواز لگاتے جاتے

شاعر: نصیر ترابی

Daikh   Letay   Hen   Ab   Uss   Baam   Ko   Aatay   Jaatay

Yeh   Bhi   Aazaar   Chalaa   Jaaey    Ga   Jaatay   Jaatay

 Dil   K   Sab   Naqsh   Thay   Haathon   Ki   Lakeeron   Jasiay

Naqsh-e-Paa   Hotay   To    Mumkin   Tha   Mitaatay   Jaatay

 Shehr-e-Be   Mehr    Kabhi   Ham   Ko   Bhi   Mohlat   Deta

Aik   Diya   Ham   Bhi   Kisi   Rukh   Say   Jalaatay   Jaatay

 Paara-e-Abr -e- Gurezaan    Thay   Keh   Maosam   Apnay

Door   Bhi   Rehtay   Magar   Paas   Bhi   Aatay     Jaatay

 Uss   K   Koochay   Men   Bhi   Ho   ,  Raah   Say    Be    Raah    NASEER

Itnay   Aaey   Thay   To   Awaaza   Lagaatay   Jaatay

 Poet: Naseer   Turabi