وہ ہمسفر تھا مگر اُس سے ہم نوائی نہ تھی | نصیر ترابی |
وہ ہمسفر تھا مگر اُس سے ہم نوائی نہ تھی
کہ دھوپ چھاؤں کا عالم رہا جدائی نہ تھی
محبتوں کا سفر اس طرح بھی گزرا تھا
شکستہ دل تھے مسافر ، شکستہ پائی نہ تھی
عداوتیں تھیں ، تغافل تھا، رنجشیں تھیں مگر
بچھڑنے والے میں سب کچھ تھا ، بے وفائی نہ تھی
بچھڑتے وقت ان آنکھوں میں تھی ہماری غزل
غزل بھی وہ جو کسی کو ابھی سنائی نہ تھی
عجیب ہوتی ہے راہِ سخن بھی دیکھ نصیرؔ
وہاں بھی آ گئے آخر جہاں رسائی نہ تھی
شاعر:نصیر ترابی
Wo Hamsafar Tha Magar Uss Say Ham Nawaai Na Thi
Keh Dhoop Chhaaun Ka Aalam Raha Judaai Na Thi
Muhabbaton Ka Safar Iss Tarah Bhi Guzra Tha
Shakista Dil Thay Musaafir , Shakista Paai Na Thi
Adaawten Then , Taghaaful Tha , Ranjashen Then Magar
Bicharrnay Waalay Men Sab Kuchh Tha , Be Wafaai Na Thi
Bichharrtay Waqt Un Aankhon Men Thi Hamaari Ghazal
Ghazal Bhi Wo Jo Kisi Ko Abhi Sunaai Na Thi
Ajeeb Hoti Hay Raah-e-Sukhan Bhi Daikh NASEER
Wahan Bhi Aa Gaey Aakhir Jahan Rasaai Na Thi
Poet: Naseer Turabi