نگہ کے سامنے اس کا جونہی جمال ہوا | نظیر اکبر آبادی |
نگہ کے سامنے اس کا جونہی جمال ہوا
وہ دل ہی جانے ہے اس دم جو دل کا حال ہوا
اگر کہوں میں کہ چمکا وہ برق کی مانند
تو کب مثل ہے یہ اس کی جو بے مثال ہوا
قرار و ہوش کا جانا تو کس شمار میں ہے
غرض پھر آپ میں آنا مجھے محال ہوا
ادھر سے بھر دیا مے نے نگاہ کا ساغر
ادھر سے زلف کا حلقہ گلے کا جال ہوا
بہارِ حسن وہ آئی نظر جو اس کی نظیرؔ
تو دل وہیں چمنِ عشق میں نہال ہوا
شاعر: نظیر اکبر آبادی
(شعری مجموعہ:انتخابِ غزلیات نظیر اکبر آبادی؛مرتبہ،ملک زادہ منظور احمد،سالِ اشاعت،1994 )
Nigah K Saamay Uss Ka Junhi Jamaal Hua
Wo Dil Hi Jaanay Hay Uss Dam Jo Dil Ka Haal Hua
Agar Kahun Main Keh Chamka Wo Barq Ki Maanind
To Kab Misl Hay Yeh Jo Be misaal Hua
Qaraar -o-Hosh Ka Jaana To Kiss Shumaar Men Hay
Gharaz Phir Aap Men Aana Mujhay Muhaal Hua
Idhar Say Bhar Diya May Nay Nigaah Ka Saaghar
Udhar Say Zulf Ka Halqa Galay Ka Jaal Hua
Bahaar-e-Husn Wo Aai Nazar Jo Uss Ki NZAEER
To Dil Wahen Chaman -e-Eshq Men Nihaal Hua
Poet: Nazeer Akbarabadi