مرا دل ہے مشتاق اس گل بدن کا | نظیر اکبر آبادی |
مرا دل ہے مشتاق اس گل بدن کا
کہ یہ باغ اک گل ہے جس کے چمن کا
وہی زلف ہے جس کی نکہت سے اب تک
پڑا خون سوکھے ہے مشکِ ختن کا
عجب سیر دیکھی نظیرؔ اس چمن کی
ابھی وصل تھا نرگس و نسترن کا
ابھی یک دگر جمع تھے سنبل و گل
ابھی تھا بہم جوش سرو و سمن کا
گھڑی بھر کے ہی بعد دیکھا یہ عالم
کہ نام و نشاں بھی نہ واں تھا چمن کا
شاعر: نظیر اکبر آبادی
Mira Dil Hay Mushtaaq Uss Gulbadan Ka
Keh Baagh Ik Gull Hay Jiss Chaman Ka
Wahi Zulf Hay Jiss Ki Nikhat Say Ab Tak
Parra Khoon Sookhay Hay Mushk -e-Khatan Ka
Ajab Sair Daikhi NAZEER Uss Chaman Ki
Abhi Wasl Tha Nargis -o-Nastaran Ka
Abhi Yak Digar Jama Thay Sunbal-o-Gull
Abhi Tha Baham Josh-e-Sarv-o-Saman Ka
Gharri Bhar K Hi Baad Daikha Yeh Aalam
Keh Naam-o-Nishaan Bhi Na Waan Tha Chaman Ka
Poet: Nazeer Akbarabadi