کُچھ بھی کر گزرنے میں دیر کِتنی لگتی ہے | نوشی گیلانی |

کُچھ بھی کر گزرنے میں دیر کِتنی لگتی ہے
برف کے پگھلنے میں دیر کِتنی لگتی ہے

اُس نے ہنس کے دیکھا تو مسکرا دیے ہم بھی
ذات سے نکلنے میں دیر کِتنی لگتی ہے

ہجر کی تمازت سے وصَل کے الاؤ تک
لڑکیوں کے جلنے میں دیر کتنی لگتی ہے

بات جیسی بے معنی بات اور کیا ہو گی
بات کے مکرنے میں دیر کِتنی لگتی ہے

زعم کِتنا کرتے ہو اِک چراغ پر اپنے
اور ہوا کے چلنے میں دیر کِتنی لگتی ہے

جب یقیں کی بانہوں پر شک کے پاؤں پڑ جائیں
چوڑیاں بِکھرنے میں دیر کِتنی لگنی ہے

شاعرہ: نوشی گیلانی

(شعری مجموعہ:اداس ہونے کے دن نہیں )

Kuchh   Bhi   Kar   Guzarnay   Men   Dair   Kitni   Lagti   Hay

Barf    K   Pighalnay   Men   Dair   Kitni   Lagti   Hay

 Uss   Nay    Hans   K   Daikha   To   Mukuraa   Diay   Ham   Bhi

Zaat   Say   Nikalnay     Men    Dair   Kitni   Lagti   Hay

 Hijr   Ki   Tamaazat   Say   Wasl   K   Alaao Tak

Larrkiyon    K   Jalnay   Men   Dair   Kitni   Lagti   Hay

Baat   Jaisi   Be  Maani    Baat   Aor   Kaya   Ho   Gi

Baat   K   Mukarnay   Men   Dair   Kitni   Lagti   Hay

 Zuam    Kitna    Kartay   Ho   Ik   Charaagh   Par   Apnay

Aor    Hawaa   K   Chalnay   Men   Dair   Kitni   Lagti   Hay

 Jab   Yaqeen    Ki    Baahon    Par   Shak   K   Paaon   Parr    Jaaen

Choorriyaan    Bikharnay    Men   Dair   Kitni   Lagti   Hay

 Poetess: Noshi   Gilani