پوچھ لو پھول سے کیا کرتی ہے | نوشی گیلانی |
پوچھ لو پھول سے کیا کرتی ہے
کبھی خوشبو بھی وفا کرتی ہے
خیمۂ دل کے مقدّر کا یہاں
فیصلہ تیز ہوا کرتی ہے
بے رُخی تیری،عنایت تیری
زخم دیتی ہے، دَوا کرتی ہے
تیری آہٹ مِری تنہائی کا
راستہ روک لیا کرتی ہے
روشنی تیرا حوالہ ٹھہرے
میری ہر سانس دُعا کرتی ہے
میری تنہائی سے خاموشی تری
شعر کہتی ہے، سنا کرتی ہے
شاعرہ: نوشی گیلانی
(شعری مجموعہ:اداس ہونے کے دن نہیں )
Poochh Lo Phool Say Kaya Karti Hay
Kabhi Khushbu Bhi Wafa Karti Hay
Khaima-e-Dil K Muqaddar Ka Yahan
Faisla Taiz Hawa Karti Hay
Be Rukhi Teri , Enaayat Teri
Zakhm Daiti Hay , Dawaa Karti Hay
Teri Aahat Meri Tanhaai Ka
Raasta Rok Liya Karti Hay
Roshni Tera Hawaala Thehray
Meri Har Saans Dua Karti Hay
Meri Tanhaai Say Khaamoshi Teri
Shair Kehti Hay , Suna Karti Hay
Poetess: Noshi Gilani